燒蝦蝦 (興泰大廈) (已結業)

上次同囡囡去完元朗食燒蝦蝦，囡囡已經愛上了，因為有得玩有得食，今日我地去屯門再食燒蝦蝦，小朋友超開心。每個座位格離就有蝦缸，超方便，係格離夾完再冰暈佢就燒得啦。蝦夠大隻，而且有好多都有蝦膏，爽口彈牙，鮮味十足。自助吧有任拎新鮮海鮮，D海鮮多到呢，有鮑魚、原條魚、東風螺、青口、扇貝、沙白、蜆、魷魚串等等，每次出去拎都有唔同既海鮮供應，refill 得超快，海鮮吧格離就有丸類、肉類、蔬菜類可以燒，超欣賞佢地既雞翼，好大隻，而且超級入味，另外我地用錫紙兜加清酒煮蜆，都超正，蜆肉好入味，同埋一定唔好錯過既牛油粟米，我地encore 左幾次。除左燒烤類，格離仲有炸物類、熟食類，每次都refill 得好快，而飲品有罐裝、紙包、樽裝飲品之外，仲可以自己即沖花茶。我好鐘意以到既雪糕區，有好多款，雪糕控既我當然唔會錯過，食完真係捧住個肚走。餐廳通風做得好好，唔會搞到成間餐廳煙霧彌漫，我地食完都唔會成身有太勁既燒烤味。