影片
食家推介
今曰去烧虾虾午市任烧任食任饮，食得好满足呀！😋 我地2人午市过去食，人唔算好多，不用book位，来到店员还安排了4座的卡位给我们，坐的很舒适，烧左2个钟明明都已经食到好饱，点知整左个丹麦面包配雪糕，正到呢😜，一口气整左三次先肯走 😂🤣
继续阅读
钟意食海鲜嘅朋友，去呢间自助烧烤餐厅就啱晒啦😛。我地食早场时段，星期一至五下午五时至七时四十五分，每位成人$298。餐厅阔落、设有卡位，座位侧边有个鱼缸放虾虾🦐，可以用夹喺鱼缸即时夹起烧，超级新鲜。而每张餐枱都有通风系统，烧完冇异味。曾经都好怕去呢D烧海鲜，细细个炉觉得会烧得好慢等好耐都未有野食，呢度完全冇呢个问题呀👍🏻，因为外面放左好多前菜、熟食、甜品，而且款式都有好多，等待烧熟既途中可以出去夹吓鸡翼、饮下汤，唔使怕等得耐。食海鲜最惊就系处理海鲜，成日要剥壳又要洗好烦。餐厅好贴心💕咁预先帮你处理好&调好味，亦都有整好晒一盘盘盒仔俾你成个盒烧，超方便，仲可以食到蒜蓉粉丝🤤。除咗海鲜🐟，当然唔少得鸡、牛、串烧等肉类，仲有茄子🍆、粟米等其他蔬菜俾你选择。烧到觉得热气唔紧要，雪柜大量饮品俾你任饮，有菊花茶俾你下火🔥。食到饱饱哋当然唔少得甜品啦，呢度有好多款式嘅雪糕俾你拣，食完真系超级满足呀😚。
继续阅读
流水虾，夹入冰水，再烤熟，虾好新鲜，有好多虾膏！除咗虾，就系海鲜，有蛏子、生蚝、花甲、沙白、桂花蚌、原条黄立仓⋯⋯大蚬、蛏子都鲜甜多汁！亦都有烧肉、蔬菜之类仲有各式啤酒任饮
继续阅读
好耐冇食放题，今次拣咗呢间餐厅系可以由11:30am食到15:30，慢慢烧慢慢食，唔洗食得咁急。流水虾系卖点之一，新鲜的大头虾好生猛，即烧即食，味道、肉质都特别正，虾肉肥大鲜嫩，头大多膏，味道甘香浓郁！第二样回本嘅系海鲜！种类繁多，鲍鱼、生蚝、蚬、螺、原条鱼等等都有，唔洗怕会缺货，有专人快速补给！由于海鲜好快就烧熟，所以可以食多几轮，好快回到本。肉类、丸类、蔬菜类、粉面类、面包类等都有提供！全部有盖冚住，够晒衞生。肉类已经腌制好晒，好入味。我最钟意系佢有啲锡纸兜装住不同配搭，可能有蒜蓉粉丝、杂箘等，岩晒我呢啲懒人唔洗睇火，唔洗惊烧㶶。冇谂过烧嘢食都可以食到粉面，包你食到劲饱。饮品方面，有室温，有冰冻。除了大量纸包、樽装、罐装饮品，啤酒都系任饮👍🏻一边烧嘢食，一边饮啤酒，特别chill和有风味～甜品有雪条、雪糕、蛋糕。。。非常多选择。假日午市价钱都系$298/人，物超所值，性价比高。
继续阅读
🍴🍽🍴🍽🍴🍽🦐🦐🦐🦐🦐🍴🍽🍴🍽🍴🍽-发现高质海鲜烧烤放题🤩！屯门区系远咗少少，但周末11:30-15:30无限时任饮饮食都系$298，劲抵，最有惊喜系有晒大牌子tap beer 唔洗加钱任饮，原条鲜鱼同贝类海鲜任食，劲满足，嘢饮同甜品选择超多，好啱一家大细过嚟又玩又食。🥢 流水虾 🆙当日见到有好多枱都带埋小朋友嚟，佢地着住围裙捉虾同烧虾玩得超high😂。虾喺鱼缸入面行嚟行去好生猛，用长钳去夹起佢地难度唔高，再浸佢地去冰水桶整晕佢地先摆去炉烧。食得到肉质好弹牙😍。🥢 扇贝、大砚、鲍鱼 🆙海鲜洗得好干净，喺自助区拎完可以即烧，再有蒜蓉酱令海鲜烧得更惹味。鲍鱼同扇贝好大只，肉质都好鲜嫩。另外因为有free flow清酒，加咗啲去兜砚到做清酒煮砚，加埋任拎嘅蒜同葱花味度超香浓惹味。🥢蒜蓉粉丝鲍鱼 🆙一兜入面有4-5只剥好咗嘅鲍鱼，比起连壳食嘅方便好多，加咗蒜蓉酱同弹牙嘅粉丝好正😙。🥢 串烧任拎 🆙自助区食物摆得好卫生，全部都有胶盖遮住，最中意拎鸡软骨串、多春鱼同鸡肾，烤到香脆之后因应自己口味加孜然粉同烧烤粉调味，拍得住喺居酒屋食嘅味道😋。另外亦有丸类同肠仔，可以烤到咁上下扫上蜜糖，同样好味🥰。🥢 任食粉面 🆙 自助区有煮面机可以快快渌个面食，我地煮咗两个营多，好开心😂。📌 舖头开到深宵时份，同样都系任食任饮，星期五夜晚同朋友嚟队啤酒都唔错，佢地酒杯有雪住，tap beer劲新鲜，三百几蚊一位好抵🤩。😇评价 𝗥𝗮𝘁𝗶𝗻𝗴𝘀😇食物 𝗙𝗼𝗼𝗱 8/10环境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10服务 𝗦𝗲𝗿𝘃𝗶𝗰𝗲 7.5/10性价比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 8.5/10整体 𝗢𝘃𝗲𝗿𝗮𝗹𝗹 7.75/10-🍴🍽🍴🍽🍴🍽🦐🦐🦐🦐🦐🍴🍽🍴🍽🍴🍽
继续阅读