文樂園 (已結業)

🚩秘醬豬手飯 (日本豬手)💰價錢：$29.6 (foodpanda外賣自取價)最近迷上食豬手🤤周圍搵邊度有賣好食既豬手，咁啱俾我搵到呢間位於何文田新開既小店。文樂園主要賣盅頭飯、點心、中式包點，類似唐記包點、包點先生。呢間比較特別有賣豬手飯，仲標明係用日本豬手，雖然我唔知道日本既豬手有咩咁特別😂。以豬手飯嚟講，價錢唔算貴，所謂一分錢一分貨，豬手有三件，口感上炆得軟淋亦夠曬入味😋。但骨比肉多，每件豬手基本上咬一兩啖就冇晒肉得返骨了☹️。而豬手醬汁基本可以撈到一半飯量，面頭嗰浸既飯因為醬汁較多會比較好食，如果醬汁再多啲可以撈曬全部既飯會更好，但好彩白飯軟硬適中，油香十足，所以就算用甜豉油撈埋剩返嘅飯都好好吃👍🏻。整體而言，想用咁既價錢咬落啖啖肉既豬手係冇可能，但食一餐過下嘴癮都算唔錯既。