影片
几年前呢间点心店刚开张果时帮衬过，印象质数麻麻地。今朝起身想食点心，又唔想行去旺角饮茶，不如试多次文乐园啦，见佢Open Rice 都系正评多过负评（同埋我心谂：事隔几年，或者有进步呢！？疫情都挨得住嘅食店，应该唔会太差卦！）谁不知一试，仲衰过以前！虾饺烧卖‘’干争争‘’！ 我买完外卖番屋企开嚟食，前后唔洗5分钟，点会干到咁㗎？！！D皮干到‘’硬掘掘‘’， 好似食紧胶咁！个蚝油鲜竹卷正确名称应该叫‘’浆糊塑胶卷‘’！我觉得个鲜竹卷直情系成旧炸完再蒸！！！佢menu 竖咗手指公嘅鲜虾春卷都强差人意，个皮系脆卜卜嘅，不过入面咬落系好似有少少虾+"一pad嘢‘’， 未至于好难食，但真系唔好放只手指公误导人，卖$24三件，贵过$22三粒嘅虾饺。最后就系个温泉蛋牛肉盅头饭，其实只系将块山竹牛肉饼放落白饭上面，唔系我谂紧嘅盅头饭：𩠌连饭蒸，D饭有𩠌汁味。不过算啦，佢真系卖好好好平，仲要个盅饭系用纸盒包住锡纸兜，包埋餐具都系收$28！真系冇乜钱赚！我真系好少写食评，但真系唔想其他人中伏！讲真，何文田附近几条街都冇呢类型点心店，算系独市，照计应该好多捧场客！认真检讨吓改善吓，唔好辜负我哋D街坊啦！虾饺烧卖鲜竹卷
继续阅读
依家想食点心盅头饭好方便～洗咩仲去酒楼🙊我去咗「文乐园」点咗几款外卖返屋企慢慢叹呢道食品由香港制造，自设工场。我叫咗一个套餐加多个盅头饭同点心。🥡盅头饭餐 💲54套餐可选一个盅头饭同两款点心。慢煮温泉蛋牛肉饭份量好多，上面有一大块牛肉饼，肉饼内加咗西芹同马蹄，味道好香，口感弹牙爽口。鲜竹牛肉球肉质亦都嫩滑。黑松露素球嘅黑松露味道唔会太抢，都食到素菜嘅清新感。🥟 怀旧鱼翅饺 💲18外皮薄，包住素鱼翅同爽口嘅配料，口感唔错！🥡 酱香凤爪排骨饭 💲28蒸饭好香，米饭粒粒分明。凤爪同排骨调味适中。📍文乐园何文田窝打老道69号地下A号舖
继续阅读
首先声明，我唔系第一次食，之前都食过，记忆中烧卖系好食，咸水角都好味，但今次难食得太过分。首先打开个糯米鸡，块叶系烂哂，要一下一下咁了开，啲饭痴住哂，未试过食个糯米鸡搅到一手都系仲有未食过生竹牛肉球系超级无敌咸，明明已经落左喼汁，但都系超级咸，每啖净系食到咸味，一啲喼汁味都食唔出今次个咸水角仲要唔脆，又摷晒皮咁，仲油冧冧添，唔知系放左好耐定无限返热，真系顶唔顺今次过后应该都无下次，唔怪得知好似愈来愈少人
继续阅读
今日来学校观摩.发现一间几特别外卖专门店（始创1947 文乐园 香港制造） 我决定买以下食物：花胶灌汤饺$28 非常吸引蟹子烧卖 $20惹味麻辣烧卖$20 黑松露波波$18虫草花香菇滑鸡饭$28烟韧蜂巢糕$18首先我真的很喜灌汤饺.够大碗比酒楼大份。真有花胶，冬菇,灌汤饺内仍保番旧式翅条.肉碎味道都好鲜.麻辣烧卖比想像中不同.好香麻辣香味.但不辣的很特别。怕辣的也可以试吃！肉质弹牙！黑松露波波 是素食有红萝卜.冬姑.木耳.沙葛……好香黑松露味道.粉皮像粉果但很烟韧.一口一粒会吃到爆汁口感！虫草花滑鸡饭.饭粒干身细长有米香烟韧蜂巢糕 味道有点像年糕. 黑糖糖而不腻.烟韧很喜欢像黄金糕口感.感觉太细件！全部点心食完.没有口渴问题,相个店家用材料新鲜.完全有酒楼水准！包装好安全好精美
继续阅读
足料外卖点心😋咁啱要去何文田买啲嘢，经过见到一间点心专门店都有很多选择，于是买了回家跟妈妈一齐食做午餐。回到家点心还是热腾腾，保温做得不错，我哋首先食花胶灌汤饺，入面真是有一大片花胶，而且灌汤饺劲大只入面好足料，除了鲜肉还有些蔬菜，跟外面的鸡汤一起吃很滋味，然后就食温泉蛋牛肉饭，这个牛肉夹杂了一些陈皮香味，而且温泉蛋很滑，跟牛肉饭好夹，味道不错，之后食紫薯包，这个包的size不小，而且内里的紫薯馅很丰富，又不会太甜，可能只加了很少糖，紫薯味很香，最后我地食黑糖蜂巢糕，这个黑糖味很香，而且烟烟韧韧，很有口感。
继续阅读