豐竹 (已結業)

因為是日要考試，所以請了一日假溫習準備今晚的考試。考試地點在銅鑼灣，所以選擇到中央圖書館溫習。為了放便，便到附近的豐竹開餐，快捷地吃一個午餐。來到這類茶餐廳，老實講都唔會有好多要求，只求價錢合理，食飽便算。這裡環境都算清潔企理，但午飯時間呢度都幾多人，好彩來到便即時有位，唔洗等。看看餐牌，便點了個C餐頭抽雞中翼，因為想試試呢個頭抽雞中翼有乜特別。先來一個中湯，我最欣賞呢度個中湯，無味精，用足料，味道濃，唔會好似其他茶餐廳，個中湯用水溝到好淡，好似飲水咁。呢個頭抽雞中翼嘅精華在於個頭抽，用黎送飯簡直一流，雞中翼都算幾大隻，而且肉多，唔會太瘦。在銅鑼灣這個地區，以$36食一個午餐連中湯都算抵。不過呢度要叫伙記落單，真係要花多小小時間，佢地好似好忙咁，要叫幾次先同你落單。