豐竹 (已結業)

中午路過，見有位就入座叫咗梅菜蒸鯇魚。菜單話需時20分鐘去蒸，叫完唔夠兩分鐘就上，一咬上口知中伏。梅到應該改菜名叫梅咗嘅鯇魚，本來想投訴，但就算佢肯換，我都無勇氣再食，自細聽太多廚房師傅發脾氣的作為。留言在此想提醒老闆注意食物質素，若我的遭遇只係偶有失手，希望廚房的表現能穩定點，今天你們令一個新客失望了。

1. $38一碗撈麵，$50一碗湯麵，同行六人（女仔），每人食一個餐，全部唔夠飽，貴得來份量少。💸💸2. 食物種類選擇少。3. 收銀呀姐態度極差。🙅🏻🤷🏻‍♀️🤦🏻‍♀️4. 食物質素一般，唔算好食亦唔算差。奶茶得茶味及偏苦。5. 優點係人少地方大，坐得舒服。總結，幫襯過一次就知點解咁少人，唔會再有下次。如果趕時間+極細食+唔介意貴+想坐得舒服就揀呢間。😡😡😡😡😡😡😡😡😡😡

銅鑼灣地區食個飯都一百幾十蚊，呢條比較冷門既小街中居然有間份量好多既餐廳。好老實，個豬扒真係可以攞獎！個賣相已經嬴左一大部份，豬扒個蛋絲好靚，有如星爺食神般糖 膠拉花咁靚。豬扒個texture好明顯無用梳打粉「那」過，好實質既啖啖肉感。而且年碟真係有超多洋蔥，有好有唔好啦，有d人真係好鬼憎洋蔥，我自己就ok。叫左一碗飯，兩個人share都仲有剩，我地係男仔都食唔曬。個素雞炒翠玉瓜就一般，首先我本身唔太鐘意素雞、因為質地味道都唔好食。之後咁中式既野用黑松露醬煮又真係怪怪地咁…寧願佢用素蠔油或者沙茶醬煮就算。

係銅鑼湾返工食飯其實都幾貴，前個星期比我發現到平得黎好食嘅餐廳襯新年得閒係度一定要同大家分享一下。話説有一個中午食左個午餐，三十幾蚊雞翼+兩條德國腸+芝士汁+意粉+熱飲，真係正呀。芝士汁夠濃，雞翼同腸煮得好好味，成碟意粉食晒。呢間餐廳重有蒸魚飯，頭抽雞飯套餐都係五十蚊左右，相當經濟，頭抽雞飯雞肉好滑又唔肥都直得推介。

逛完年宵市場，友人大喊肚餓，故於附近搵食。走過一間茶餐廳，見樓面乾淨企理，友人二話不說即入。我們直接了當叫了兩道小菜。頭抽雞跟豉油雞相差無幾，味道較甜，雞肉細滑不過頗肥，頭抽用來佐飯友人連下兩碗。魚雲向來並非小人所好，所以只吃了煲裡的涼瓜，爽甜帶甘，卻吸不到餸汁。友人吃魚雲倒吃得津津有味，他說不錯。友人吃得甚飽，甚感滿意。

來到天后，想在附近吃個下午茶，不想吃大家樂，於是就決定去這間吃。叫了個德國腸黑椒火腿餐。呃，圖片好像比實物漂亮吧。$37 有一杯熱飲，兩條德國腸，火腿，炒蛋，方包 (因為沒有甜餐包)和雜果沙律。炒蛋好厚身，份量挺大的。火腿挺特別的，真的有黑椒在入面。可是，雜果沙律太多沙律醬，入面似乎只有菠蘿，不算是雜果吧。其他就一般，正常味道。總體而言，從任何方面來說，也只屬一般啦。

早上到銅鑼灣開會，事前先在附近吃一頓豐盛早餐。餐廳豐竹都是一般茶記西餐廳格局，環境與整潔度一般喇。一客醒神早餐三餸出前一丁要 $37，不算便宜。麵食賣相一般。煎蛋全熟略老身，餐肉口味很鹹，素鮑魚中等水準，但已是三餸中最好吃之選。至於麵底，加 $4 要了出前一丁，但可惜沒有出前一丁的享受，加上湯底很鹹，整體食味不太欣賞。奶茶口味合理。

雖然係茶餐廳嘅佈置同格局，但並唔係茶餐廳嘅價錢，食過早餐同午餐，早餐價錢合理，叫左個沙嗲牛肉麵配火腿煎蛋加餐包，普通嘅味道，沙嗲牛肉麵到到都差唔多，火腿煎蛋比想像中多，分開一半夾埋個包食都得，午餐食過牛腩河粉，湯底係腩汁，無特別驚喜，不過牛腩夠淋同埋好多肉，唔會比一堆筋同肥你，但係價錢嘅話我覺得有小小貴。

今天腳痛到行唔到, 準備去聖保祿留醫做檢查, 到達後看到這間餐廳坐得ok, 食飽d先入廠下午茶餐算多選擇, 星期日都有供應, 單叫一個奶油豬: 一般, 烘得不夠, 外面不夠脆意式肉丸螺絲粉 : 肉丸夠香, 意式醬夠特別, 酸酸的蕃茄味, 好開胃, 幾好.....滿足了臨入廠前的食慾

銅鑼灣行完街，經過呢間餐廳，叫豐竹主要因為銅鑼灣好多餐廳都太多人 ，見呢間無爆滿，d位又好似幾舒服就入去食。。。望一望個menu，d野食價錢都比較貴，咁就叫左個相比之下平d既海鮮炒飯。。。咁個炒飯埋相真係唔錯，味道都唔太差，不過我個人唔太鍾意咁多青豆囉，哈哈哈。。。整體黎講ok，d飯炒得幾彈牙，連埋野飲。過得去啦。

系st pail睇醫生，於是想去食早餐。一過馬路就有間茶餐廳覺得佢都幾寬敞，於是就入去叫個好普通嘅早餐。我叫左火腿通粉餐。火腿通粉餐嘅通粉煮得唔會過霖過硬，我最怕食太霖通粉！煎蛋火腿是跟餐的，略微多油！厚多唔夠新鲜，似隔夜，但系佢噶質素已經比連鎖餐廳好好多。

媽媽和朋友已享用多次晚餐所以一早已訂好位一行10人在中秋夜品嚐。 ^_^勁香!滑溜溜 & 不太咸既 頭抽雞對海鮮敏感既我家人是讚賞的海皇煲好鮮味不太咸這個比起其他有點普通 ... ...超鬆化不油膩我和表妹超 like不實肉好味足料百花釀冬菇

豐竹的早餐除有13款傳統經典選擇外，還有5款品味潮流選擇，小妹當然揀後者啦﹗五款品味潮流餐中，最吸引小妹的，是脆脆深海魚柳拌黑椒火腿炒蛋$32的圖片。然而，實物與圖片，頗有差距的 – 沒有了蕃茄和青瓜片，碎蛋沙律和沙律醬也不是以小兜獨立盛載。魚柳炸漿蠻厚身的，咬下厚厚一層，口感不太好，炸漿內的魚柳肉質仍然嫩滑細緻，沾上沙律醬同吃，不過不失也。碟子一旁，有一少撮碎蛋吞拿魚粟米沙律，小妹喜歡把香脆長餅條沾上沙律同吃。港式早餐，沒有多士麵包，反而配上餅條，蠻有趣的。餐廳的火腿用上黑椒火腿，更添香氣和食味，且夠厚身，咬口不俗。炒蛋入口嫩滑富蛋香，火喉拿捏準繩。是日，要了一杯纖維豐富，夠冰凍且不太甜膩的凍胚芽好立克(+$4)。吃罷，很滿足。

今日去銅鑼灣走一趟。因為醫肚所以走去附近的豐竹。點咗個叻沙豬軟骨湯麵。呢個餐加個凍飲要$50。間茶記有四十吋大銀幕。我點杯凍奶茶。等咗5分鐘有得食。個湯好厚底。個湯唔係太好飲。個豬軟骨好有咬口。入口加入個豬肉好鮮嫩。個麵好彈牙。當中有泡菜。好爽口。杯凍飲唔錯。整體唔錯。值得推介。 

早餐餐牌寫上: 【免費升級即磨咖啡】落order時,叫了早餐D (火腿通+煎蛋) 同熱咖啡,不到兩分鐘,熱咖啡火速即到, 發現不是即磨,是普通咖啡! 立即要求更換,侍應亞姐A拒絕更換,堅持話order時沒講要【即磨】, 於是跟另一侍應亞姐B要求,但同樣拒絕更換,重話我開頭沒說明!因我一向不飲咖啡粉沖的咖啡, 所以我再拿杯咖啡去傳送食物的枱子,再放下咖啡, 再三向另一男侍應C要求, 但他都堅持不換,  全部侍應口徑一致地話我之前沒說明...... 最後,我只喝了清水,呢間餐廳我永不回頭!!!!!!!!!!!!!!!!!!!!!!