心之食堂 (裝修中)

與友人銅鑼灣行完街，於是搵個地方坐低食晚餐。系openrice左呢間食店！餐廳內的座位不算多，約八至九張枱，餐廳裝修簡約，係牆上有單車做裝飾擺設，幾特別！感覺溫馨、舒服。邪惡包：賣相吸引而叫，有帆立貝同埋鵝肝，估吾到兩者加埋又幾好食，鵝肝煎得好香，入口即溶，咀嚼中散發出鮮香的氣息，再加埋帆立貝的鮮味， 白汁芝士煙肉焗蘑菇：蘑菇大大隻，厚身，上層鋪滿白汁、芝士，好香！配煙肉份量剛好，蘑菇經烤香，保留原味，唔會太膩。 原條鰻魚石鍋飯： 原條鰻魚鋪上石鍋飯上檯，熱辣辣！份量足，超吸引！鰻魚肉質嫩滑，配上飯焦的珍珠米，吾錯！ 心之火燄鐵板牛柳粒：上菜時店員會即時點火，做出火焰的效果，两串牛柳粒插在菠蘿上，另有香香炸薯角。牛柳粒肉味夠，全熟口感帶嚼勁。下層有新鮮大菠蘿，本只想一試，看看味道如何，驚喜的是：好甜、新鮮！ 雞軟骨： 三串，好香，七味粉剛好，好食！