Ikigai Concepts (已結業)

講到日本菜餐廳，朋友推薦左呢間新開嘅日本料理餐廳，位於荃灣如心廣場嘅Ikigai Concepts。餐廳裝潢方面係日本嘅簡易主義風，餐廳嘅陳列架上面放咗好多唔同地區嘅日本清酒，日本工藝品。牆壁既波浪設計非常獨特，另外餐廳都分咗唔同嘅區域，有和食專區，炭火燒專區同酒吧區。整體非常有心思同感覺溫馨。今次試咗餐廳招牌菜IKG卷同稻庭烏冬。IKG卷分量十足，卷物加上滿滿嘅三文魚子再加上海膽，好滿足。海膽同三文魚子好鮮甜，完全冇腥味。烏冬方面，用咗日本嘅烏冬麵，湯底好濃郁，感受到滿滿嘅誠意。非常值得推介既餐廳！