MOO MOO

营业中

休息中

同朋友喺apm睇完戲之後，想搵個地方食個tea，途經見到Moomoo店外嘅裝修幾有風格就決定幫襯下。其實Moomoo距離apm步行約10分鐘左右，對於平時少運動嘅我黎講都係郁下嘅機會。Moomoo主打漢堡 或 沙津 配 薯條同野飲，一向鍾意食漢堡嘅我決定試下佢獨有嘅Moomoo汁。經典漢堡+芝士肉醬薯條安格斯牛肉好juicy，Moomoo汁嘅味道酸酸地幾惹味。我鍾意呢度係用粗薯條，咬落會有口感啲。正雞沙津因為怕食唔哂啲薯條，只係單點咗份沙津。估唔到啲雞肉係有煎過，所以好香口配搭埋千島醬好好食。整體Moomoo環境尚算闊落，室內室外都有座位，店員仍都幾親切，以後途經觀塘工廠區會再幫襯。