香港永年車仔麵茶冰廳

营业中

休息中

近期開始多左約返朋友黎食晚飯，一大班朋友嘅好處就係食多D唔同款式嘅野。 平時2個人食都係點懷舊蝦多士就算，今次可以點多幾款，有焗蒜蓉包、香脆洋蔥圈、懷舊蝦多士、芝士肉醬焗薯皮，香脆洋蔥圈和芝士肉醬焗薯皮幾有驚喜，洋蔥圈入口勁酥脆，芝士肉醬焗薯皮夠晒濃味，懷舊蝦多士份量都幾多，岩晒一大班人分享。 點左兩款港式慢煮鐵板套餐，可自選一款沙律或湯和餐飲。 港式牛尾羅宋湯，勁足料，牛尾煲到好淋，好好食。 牛油果薯仔蝦沙律牛油果沙律入口清甜，入口清新爽脆。 美國安格斯封門柳港式鐵板重點係上枱後再淋上醬汁，等你除左有得味覺享受外，視覺和嗅覺都同一享受，香味撲上，已忍唔住想快D開餐。封門柳揀左5成熟，肉質嫰滑，肉味十分濃郁。配菜有番茄、粟米、西蘭花、椰菜花和菇，吸汁後再食，惹味非常。另外點左一份招牌鐵板佛跳牆車仔麵，裡面有鮑魚、花膠和金蠔高貴食材，醬汁帶一點甜麵質當相酥脆。 黑芝麻西多士伴雲尼拿雪糕西多士熱辣辣，入口酥脆，配埋雪糕一齊食，份外滋味。 大熱天飲杯凍檸樂、凍頂烏龍茶爽一爽，正。