影片
更多
2018-02-03
657 浏览
之前喺荃灣經過過呢間食店，俾門外嘅巨型大黃蜂吸引眼球，而忍唔住望左幾眼，所以對呢間野特別有印象。今日喺附近買完野就過來會一會大黃蜂。呢間餐廳叫博派麵館，顧名思義以麵食作為主打，再有d不同特色小食。選擇雖然唔算好多，但好有誠意加上店員提供左個冬季限定嘅煲仔飯菜牌，即刻令我口水分泌大增！因為天氣咁凍食個煲仔飯的確可以暖暖肚。我地點左一個煲仔飯、一碗米線同幾份小食。風味豬油煲仔飯 - 合時臘味飯 68：當然啦，想食好野，係需時等候，所以都寫明需時20分鐘。原本係有臘腸、潤腸同臘肉，我自己唔食潤腸，所以拜託店員幫我走潤腸。店員上枱後會問需唔需要加豬油，咁講真，食得臘味就唔好講健康，所以梗係加d豬油，令個飯更加香噴噴啦另外加埋煲仔飯豉油，蓋番焗幾分鐘就可以食得飯粒香氣十足，畢竟有咁多臘味！臘肉、臘腸唔會太肥膩，幾香口好食。煲底有少少飯焦，呢個當然係食煲仔飯嘅精粹！成窩份量唔會太多，一個人剛好。黃酒雞柳湯米線 68：好快就上枱，影完相我都忍唔住要即刻食，湯底有d藥膳feel，裡面好足料，有鮮淮山、黨參、紅棗、杞子等，份量好多。一飲啖湯就好重藥膳味，酒味明顯得黎又唔會太濃，湯底好清，完全可以當湯飲哂
加上店員提供左個冬季限定嘅煲仔飯菜牌，即刻令我口水分泌大增！
因為天氣咁凍食個煲仔飯的確可以暖暖肚。
我地點左一個煲仔飯、一碗米線同幾份小食。
風味豬油煲仔飯 - 合時臘味飯 68：
當然啦，想食好野，係需時等候，所以都寫明需時20分鐘。原本係有臘腸、潤腸同臘肉，我自己唔食潤腸，所以拜託店員幫我走潤腸。
店員上枱後會問需唔需要加豬油，咁講真，食得臘味就唔好講健康，所以梗係加d豬油，令個飯更加香噴噴啦
另外加埋煲仔飯豉油，蓋番焗幾分鐘就可以食得
飯粒香氣十足，畢竟有咁多臘味！臘肉、臘腸唔會太肥膩，幾香口好食。煲底有少少飯焦，呢個當然係食煲仔飯嘅精粹！
成窩份量唔會太多，一個人剛好。
黃酒雞柳湯米線 68：
好快就上枱，影完相我都忍唔住要即刻食，湯底有d藥膳feel，裡面好足料，有鮮淮山、黨參、紅棗、杞子等，份量好多。
一飲啖湯就好重藥膳味，酒味明顯得黎又唔會太濃，湯底好清，完全可以當湯飲哂，十分滋補
米線份量多，煮得lum身；雞柳無骨之餘，肉質好滑溜。
蒜蓉燒金菇 28：
一份金菇大概一包，加左蒜蓉、蔥花焗起，即時正，勁香口惹味。抵唔抵食就見仁見智，但我覺得好食。
孜然燒雞中翼 32：
一碟四隻，燒得香口，又夠大隻，加左好多孜然粉令我諗起喺大陸食燒烤果陣除，正
涼拌雞翼尖 26：
雞翼尖就凍食，作為開胃菜。雞翼尖都幾大隻，好好肉地，面頭加左好多白芝麻，勁香口。
辣度十足，妹妹下就食哂！
张贴
