影片
港铁荃湾站 B1 出口, 步行约6分钟
继续阅读
开饭介绍
店外有一座变形金刚大黄蜂的机械人模型，室内装潢充满动画风格，主打却是港式美食，包括鲜鱼汤米线、猪油煲仔饭及特色炸珍珠奶茶。
继续阅读
营业时间
星期一至日
11:00 - 22:00
以上资料只供参考，请与餐厅确认详情
食家推介
是日收工，行过荃湾千色店附近，见到有间博派面馆话自己有个好正既黄金脆玉瓜咁坚，反正收工都要食饭梗系入去试一试佢😏唔试就由至可，一试就不得了😱，估唔到青瓜可以咁特别，青瓜既口感，咸蛋既咸味，脆脆既口感，可以完美融合系嘴里边化开🤤不得了另外仲点左个孜然鸡翼，孜然鸡翼只系普通货色，但我想讲孜然同鸡翼系最好既组合，普通货色既孜然鸡翼已经系人间美味啦😍反正到晚饭时间就顺便点左个人参鸡火粉试试佢，面条不过不失，面质唔够硬，但亦不会太软，都算合格。叫得药材汤面重点就梗系唔系想医饱个肚，梗系仲想医下个人🤦🏿♂，一个合格既药材汤最紧要梗系足料😏，依方面面馆就做得好好啦，汤底落左大量红枣，杞子同菇去煮，诚意十足，一上就闻到好香既药材味，重点系汤入面仲有两大件人参，店主真系落重本。另外汤入面仲有大量手撕鸡，就完全无骨嫁！药材味道虽然浓厚，但又不失滋味，背后原因相信就系店主既一份心。一碗鸡汤粉，几旧鸡翼同脆玉瓜，滋润既唔止系一时既人灵满足，仲滋润我既身体🤣食完当堂觉得老虎面打死几只🤣🤣🤣
继续阅读
10个咸给10个咸完全似转左手，食既野类似但食物质素真系 😞黄酒鸡米线：米线。。冧的鸡。。得果几条无黄酒味。。。冬菇。。完全无味。。最大问题，全场得2台客，等个米线，等左20分钟价格: HKD68.00四𩠌焗饭：最好吃。。软壳蟹然后。。普通茶记焗饭质素。个饭底。。系冻既。翻焗后，系暖既。。鸡扒。。唔太新鲜芝士汁带酸味等候时间: 15分钟，再翻焗: 10分钟价格:HKD68.00只可以说:没有最差，只有更差。。
继续阅读
同朋友谂住喺荃湾食嘢，但都冇谂话要食边一间，只系随便行下。点知比一只好大只嘅transformer公仔吸引住， 原来呢间主要食米线, 啱晒我哋，因为我哋两个都好钟意食米线。朋友叫咗个黄酒鸡柳汤米线， 我就叫咗个烧安格斯牛柳牛舌汤米， 都叫咗几个小食， 因为朋友个米线嚟先，所以我偷饮咗佢啲汤， 佢啲汤好重药膳味，重好足料，有淮山杞子党参， 鸡柳好嫩滑好好食。我谂我下次都会叫呢过。 我𠮶碗米粉亦都系高质素，牛舌好嫩口， 一啲都唔韧 ，仲要牛舌牛肉各四块非常多。小食一定要推介嘅就系脆炸珍珠奶茶， 我相信系香港首创， 我亦都系第一次食，但估唔到系咁好食，出面炸到好脆，入面好香奶茶味 ，加上珍珠烟烟韧韧 ，一定要试。另外黄金烧翠玉瓜都系第一次食， 佢上面好多蛋黄。虽然好邪恶但我都忍唔住食晒。孜然鸡中翼上面有好多孜然粉，我最钟意。钟意食鸡翼嘅人一定唔可以错过。
继续阅读
呢间用变形金刚做主题嘅米线店好有特色，好难得见有食肆揾模型角色做招徕，而且认真程度值得一赞，唔单止门口有只应该有两米高嘅大黄蜂系度够晒型格，仲识发光，而枱上嘅柯柏文装住辣椒油，好有新意。店内主推炸珍珠奶茶，咁梗系要试吓。估唔到真系几有惊喜，系一粒粒炸到金黄嘅炸物尔配埋炼奶，先蘸一下炼奶再入口，表皮果然炸得好香脆，个饀好烟韧而且好香奶茶味，仲有一粒粒嘅珍珠系入面，完美呈献返珍珠奶茶嘅味道同口感，唔怪得系店内推介。烧安格斯牛肉牛舌汤面标榜每天煲制，食落果然好香浓之余无味精感，个汤可以放心饮，而牛舌好肥厚而且烧得好香，好值得食。酸辣小窝红薯粉($48)，有好多𩠌系面，满到一睇就觉得物超所值，有猪肠、猪软骨、鸡翼尖等，而个汤底同样系熬制而成，所以唔会有好重味精嘅感觉，难得地酸辣汤底都可以放心饮落肚。蒜香烧金菇，金菇同蒜蓉一向都系perfect match，而呢度嘅整法系加埋炸蒜同葱，令到个香味再高一个层次、丰富。
继续阅读
突然间经过，见到间店有只人咁高既变形金刚，打算午餐，睇真d原来系几好味既江x小栈既老板开左依间店，所以念都唔念直接入去试，估唔到一碗米线加汤底都咁好味！用料都十分新鲜！有鱼汤既鲜味！米线连汤一齐入口好好味！鸡杂鱼汤米线，依家都唔系好多地边有鸡杂食，好难得依度会有得食，杂鸡整得好爽口味浓！用料都系十分好新鲜！下次黎食真系要试埋其他野食先，太好味了！我地一人食一碗米线，已经好饱，都好想试埋其他小食，可惜太饱了，留返下次再黎！
继续阅读