老鍋台式火鍋 (金馬倫道) (已結業)

入冬后终于开始有少少凉意，最爱烚吓烚吓o既honey其实一早已经搜集哂资料，计划好依两个月要去边度打边炉，名单上有新有旧，寻晚两口子就由最近佢工作会场o既尖沙咀代表「老锅台式火锅」食起。火锅店虽为楼上舖，但大厦门外已见一位靓女姐姐仔落力地为新店作出介绍，并以侧旁大大个易拉架指出镇店特色锅底。步出升降机，先由年轻温婉o既哥哥仔接待入座，全因楼下位靓女姐姐早已通风报信。接待处中央有个鲜红色o既招牌，右方则挂出两个写有「老锅」o既灯笼。直入门旁其实仲有个估计同风水有关o既瀑布流水位，不过细佬临走时先见到，当时已经饮咗酒，所以唔记得咗影相。大堂散座中o既二至多人枱均以屏风分隔，私人空间足得黎，间格、灯饰及木造椅桌都好有古代中国风味。除咗室内座之外，原来餐店仲有个大型露台，烟民都可以玩室外火锅餐，真系够哂全面。餐桌上食客自用o既餐具及用黎煮野食o既公筷厨具都一样咁齐备，选以湖水绿色o既碗碟衬托，感觉传统高雅。四周影完相后，返回座位当然系要先啤一啤佢啦！「老锅」并未印制彩图餐牌，现阶段只有点菜纸一张，小肥就任由情人剔选爱好o既汤底及配料。话咁快靓仔哥哥就呈上大大个金锅，更不忘提点睇热，认真体贴。美