影片
更多
2021-07-12
130 浏览
平日食lunch嚟开歌赋街，九如坊一带都一定会见到Ode条打哂蛇饼既人龙，排得嚟可能都够钟开工。不过估计夜晚会少人啲，咁岩嚟到7月踏入夏天开始，想食一啲清淡得嚟又有啲丰富感既拉面，就喺平日既星期四大约8点钟嚟试下。大约等10分钟就有位，其间职员都会送杯水俾排队既客，系几细心既。同埋排紧既时候先知沾面原来系限量，咁岩轮到我哋就无哂...但都唔紧要啦，个人口味无特别钟情沾面，最终系职员帮助下系自助售价机前拣左清汤同白汤。入到去见到其实位置唔多大约只有10零个位，明白点解会一直都keep住有人龙。Serve食客既职员都有3个，会稍为讲解下碗面应该点食，另外烹调时间同上菜体验都系正常既。先讲清汤拉面，汤底系清而带微鲜，唔会觉得好重味精或者过咸，系比较温和既，依家谂返成餐饭到走左之后都唔会觉得口干，面既本身亦系稍为幼身，亦较为平凡。我估主厨可能希望带出呢碗面亦有第二位主角-鲷鱼肉：稍稍有火炙感觉既全熟鱼肉碎几香口，同面一齐食都夹既。至于鲷鱼鱼皮都为成个面提升左crispiness, 不过实在普通，又薄又唔香，甚至比一般粉面档仲要差，系失望既。而叉烧都还好啦，但同面其实都系唔夹，可有可无。好彩系佢
大约等10分钟就有位，其间职员都会送杯水俾排队既客，系几细心既。同埋排紧既时候先知沾面原来系限量，咁岩轮到我哋就无哂...但都唔紧要啦，个人口味无特别钟情沾面，最终系职员帮助下系自助售价机前拣左清汤同白汤。入到去见到其实位置唔多大约只有10零个位，明白点解会一直都keep住有人龙。Serve食客既职员都有3个，会稍为讲解下碗面应该点食，另外烹调时间同上菜体验都系正常既。
先讲清汤拉面，汤底系清而带微鲜，唔会觉得好重味精或者过咸，系比较温和既，依家谂返成餐饭到走左之后都唔会觉得口干，面既本身亦系稍为幼身，亦较为平凡。我估主厨可能希望带出呢碗面亦有第二位主角-鲷鱼肉：稍稍有火炙感觉既全熟鱼肉碎几香口，同面一齐食都夹既。至于鲷鱼鱼皮都为成个面提升左crispiness, 不过实在普通，又薄又唔香，甚至比一般粉面档仲要差，系失望既。而叉烧都还好啦，但同面其实都系唔夹，可有可无。好彩系佢执边啲蚝酱，救返哂成碗面。蚝既鲜味同汤底既鲜味互相提升，加埋啲鱼肉一齐食完全系另一个层次，清淡得嚟丰富有风味，overall几唔错。
鲷鱼清汤拉面
8 浏览
0 赞好
0 留言
白汤拉面汤底浓厚好多，感觉好足料，用左好多鱼/鲷鱼去熬制，鲜甜唔腥，好浓好稠既汤挂上面一齐食，整个风味既冲击力系大过清汤好多。如果觉得有些少「漏」既感觉，点一点柚子酱又可以加啲清新又酸甜既味道，又系玩层次玩得几好既作品，就算食到最尾都唔会漏，值得一试。
鲷鱼白汤拉面
10 浏览
0 赞好
0 留言
总结今餐系滋味有质数既拉面，感觉清新，唔系传统猪骨或者其他海鲜汤底果种浓烈既味道，系食果种层次递进既清雅风味，系夏天食系唔错既。不过如果同同集团既座银相比，我会选择座银，因为果款令人回味既浓郁鸡汤底，加埋同面对味蕾既冲击，感觉系更丰富同满足。Ode 系唔错既，但食完又未至于想短期内回头再食，或者睇睇心情啦。
张贴
