八月茶室 (南豐中心)

营业中

休息中

港式嘅茶餐廳飲食都幾多元化, 除咗傳統嘅中西餐粥粉麵飯, 還有地方嘅美食, 荃灣南豐中心嘅八月茶室, 就有粵菜和川菜嘅選擇。餐廳裝修平實簡潔, 卡位闊落舒適。川味肥腸滑雞煲 熱辣辣煲上, 雞件厚實而嫩滑, 肥腸肉厚有嚼口, 加上尖辣椒, 唐芹等, 清香辣辣地好惹味, 又唔會好鹹度, 送飯就最啱。四川回鍋肉炒得幾有鑊氣, 腩片膻香爽滑, 唔會愛肥膩, 配菜沾滿味醬汁, 少少辣又香口。黃金脆皮蝦球薄身脆皮很鬆化, 入口充滿鹹蛋黃嘅鹹香, 内裡蝦球鮮甜爽脆, 肉汁豐富。西蘭花腰果蝦仁這道菜賣相精緻又有鑊氣, 蝦仁好鮮味, 西蘭花嫩綠爽甜, 調味較清淡, 配合香脆腰果, 更有口感。