梅之味 (麗都大廈) (已結業)

台灣菜係我favourite cuisine，兩個禮拜就要去食一次，仲要搵新餐廳黎試 😋 灣仔梅之味係蘭杜街果邊，人流唔多但都幾多隱世餐廳。炸花枝丸 $68大大粒球體花枝丸切一半再炸，勁有料！咬到一隻隻八爪魚🐙 好似係入面游緊水咁！椒鹽分佈均勻，必點！台式擔擔麵 $55本身諗住用黎送三杯雞 😂 但佢早黎過個雞，又好肚餓所以食左先，齋食麵都唔寡，湯底好香花生味。麵質又好，有咬口。青芒果酸啤酒 $38好特別呀！第一次飲酸既手工啤酒。好開胃。三杯雞 $128又係勁足料！多雞肉，肉質嫩滑唔鞋口。本身仲想試下個滷肉飯（openrice d 相超正超多滷肉😂），但店員好好提我地三杯雞本身較濃味，配白飯更好。所以叫左個白飯 $12。黑糖珍珠布丁 $13Menu寫住係新野又一定要試下啦😎 滿滿既珍珠鋪天蓋地，個布丁勁香蛋味😍 滑！總括黎講，野食正，入貨特別（我食過咁多間台灣野都未見過酸啤酒！）。服務態度仲超級好！好貼心，點菜埋單送別都超有禮貌，推薦推薦！