楚撚記大排檔 (馬頭圍道) (已搬遷) 新店位置

我老友之前食過，話楚撚記好好食，上星期就帶我黎食， 喺土瓜灣一個唔起眼嘅小巷裏面有兩間連舖位嘅大排檔充滿住食客。 坐低 即刻店招牌菜 果然名不虛傳!呢個脆皮炸豬手都只係99蚊，好大隻同炸得好香脆， 出面嘅西餐廳食炸豬手勁貴 ，楚撚記呢一度，經濟得黎仲要有水準， 好味到不得了。 之後見到隔離枱食椒鹽田雞食得咁滋味， 我哋都叫咗碟，從來唔食田雞嘅我都食唔停， 嗰啲炸蒜椒好鬼惹味，最緊要係啲田雞作完之後，啲肉都係好嫩滑，一定要試!