鴻星中菜 (源成中心) (已結業)

秋風起🍂又係食 #大閘蟹 嘅季節。唔想喺屋企做餐懵，唯有洗少少錢，等人一手包辦😉 話就話今年啲大閘蟹大豐收，但係又唔見得酒樓價格有所調整😅 不過一年一度，都唔理得咁多… 一於食咗先講😆左揀右揀… 似乎都冇乜好嘅選擇！集合大家嘅意見，最終揀咗 #鴻星 做咗我哋今年嘅 #初次蟹逅😉 套餐包咗每人兩隻 #蟹公 同一隻 #蟹乸，仲有幾個小食，睇起嚟都幾豐富嘅。不過我就覺得同傳統嘅「大閘蟹宴」爭咁啲… 個餐除咗幾隻 #大閘蟹、每人一粒 #蟹粉小籠包 同個餐有啲關係，其餘嘅都係一啲中式小點😅 就算其中一道「可以掹車邊」嘅菜式 #蟹肉芙蓉羹，都只係加咗啲普通蟹肉同豆腐溝埋，風味欠奉😅 呢水嘅 #大閘蟹 唔算太多羔，如果同我講啲蟹公有五兩重，我諗本身用嚟扎蟹嘅水草都幾重秤😅 主角之一 #蟹粉小籠包 亦唔見太出色，味道仲有啲腥😅 小食方面，有 #煙鴨胸拼青瓜、#蜜糖豆炒蝦球、#黑醋霜降肉(口感似極肥嘅豬頸肉)、#蟲草花浸白菜，味道都唔差，不過同我期待可以用 #蟹粉 搽 #多士 嘅畫面，實在爭太遠👉🏻👈🏻 估唔到成個餐最值得一讚嘅竟然係佢哋嘅 #薑茶湯圓，師傅用咗勁濃嘅 #黑糖薑茶，同軟綿綿嘅 #湯圓