影片
更多
2022-05-31
283 浏览
📍NOT ONE LESS COFFEE一間一直期待咗好耐想去嘅小店！由店名、店裏面嘅擺設同餐牌等等，都令人覺得好感動🥺願榮光咖啡館主打精緻日式家庭料理，仲有手沖咖啡。不得不讚，店員都非常有禮貌，一開始已經好仔細介紹餐牌上面嘅食物👍🏻 料理可以自選兩款主食，另外仲有淮山漬、手沖茶同櫻花福餅。主食嘅款式有牛、豬、魚等等，今次試咗吉列豬扒配柚子素梅麵（$140）。吉列豬扒唔會厚粉、炸得好鬆脆，而柚子素梅麵就酸酸甜甜，非常開胃！下面仲真係有冰冰鎮住，值得加分👍🏻份量對男仔黎講可能較少，但精緻得黎又真係好食！另外，非常推薦大家試試手沖咖啡☕️（$120）咖啡師真係超級用心，除咗想客人飲到好咖啡外，仲希望客人對咖啡有更多認識。咖啡師了解完口味偏好後會推介唔同咖啡豆，再即時喺客人面前沖👍🏻💯而柚子芝士蛋糕好岩打卡🤣不過味道就略為普通，芝士蛋糕上面加咗柚子醬～因為咖啡館位置比較隱蔽，去前可以睇睇小店ig既教學，應該會容易啲去到🤣推薦指數：👍🏻👍🏻👍🏻👍🏻👍🏻（5/5）💡地址：上環必列者士街31號地庫
一間一直期待咗好耐想去嘅小店！由店名、店裏面嘅擺設同餐牌等等，都令人覺得好感動🥺
願榮光咖啡館主打精緻日式家庭料理，仲有手沖咖啡。不得不讚，店員都非常有禮貌，一開始已經好仔細介紹餐牌上面嘅食物👍🏻 料理可以自選兩款主食，另外仲有淮山漬、手沖茶同櫻花福餅。主食嘅款式有牛、豬、魚等等，今次試咗吉列豬扒配柚子素梅麵（$140）。吉列豬扒唔會厚粉、炸得好鬆脆，而柚子素梅麵就酸酸甜甜，非常開胃！下面仲真係有冰冰鎮住，值得加分👍🏻份量對男仔黎講可能較少，但精緻得黎又真係好食！
另外，非常推薦大家試試手沖咖啡☕️（$120）咖啡師真係超級用心，除咗想客人飲到好咖啡外，仲希望客人對咖啡有更多認識。咖啡師了解完口味偏好後會推介唔同咖啡豆，再即時喺客人面前沖👍🏻💯而柚子芝士蛋糕好岩打卡🤣不過味道就略為普通，芝士蛋糕上面加咗柚子醬～
因為咖啡館位置比較隱蔽，去前可以睇睇小店ig既教學，應該會容易啲去到🤣
推薦指數：👍🏻👍🏻👍🏻👍🏻👍🏻（5/5）
💡地址：上環必列者士街31號地庫
张贴
