影片
见佢月尾就结业，谂住最后一次黎支持下。早一个星期我已经book左枱，个日亦准时到达。去到现场见到大排长龙，派龙头位置嘅人系冇book枱，咁我就入餐厅问吓职员，当时只得一位店员喺厨房忙紧，成枱都系未洗嘅碗碟，佢同我讲要等咖啡师返嚟先可以安排入座。咁我话冇问题啦，麻烦佢喺咖啡师返嚟嘅时候同佢讲声我喺出边等紧。到个长毛咖啡师返嚟。我就同佢讲我book咗枱，佢话：「你喺出边等。」我问佢系咪都要排队？佢话：「都系喺出边等。」啲态度差到呢。咁我唯有出去排，等咗一个钟左右，佢一路都有安排人入去餐厅，但𠮶啲人都系冇book枱嘅，即系佢唔存在所谓book枱唔book枱嘅分别，亦冇做分流，全部人都系要排同一条队。期间有其他人都系book咗枱，但系都系俾佢扫返出嚟要排队，我冇话book左枱一定唔驶排，但要排同一条队系咩玩法？咁好心你唔好接Booking啦，或者我可以考虑早啲嚟唔使等咁耐，而唔系以为book左枱就坐定粒六。其实你咁既态度，折都只会系迟早既事，咁驶濑咩政唔政治，见都有几多人话你地态度好差，我都庆幸冇帮衬过你哋网上生意，以前冇，将来亦唔会。
继续阅读
分享成世人最差咖啡店体验一间月尾结业嘅咖啡店谂住点都要去支持一下饮杯啡由三点半排到八点先有位仲要朋友嘅爸妈等我哋返去开饭所以落单同佢讲净系要四杯野加份甜品店员提高声调系所有客人面前开始佢对我哋public shame「我哋而家做甜品要好耐，如果你哋唔系食正餐嘅就企出去等，我转做四杯外卖比你哋，就咁话」排队咁耐都无听到你规定入去一定要嗌餐就算系入座嘅时候你都无讲过真心为咗支持先排成几个钟入到去换黎咁嘅体验真系好差然后我哋谂住就咁坐喺度等埋杯外卖先过咗几分钟佢走过嚟赶我哋出门口一手指住个门口命令我哋企返出去等外卖当然全部客人都望住我哋成世人都无比人当系狗咁赶出门口大佬企咗咁耐入嚟坐几分钟等外卖都唔系好过分虽然唔系帮衬咗好多不过店员态度真系好有问题仲要排队时每次只系行出嚟多谢大家耐心等候同埋问有冇人要外卖cold brew无讲过话而家只offer晚餐同埋如果净系饮嘢就要转外卖立场还立场 生意真系唔系咁做好差 真系好差One Less 零服务态度餐厅
继续阅读
中半山❤️ 发现隐世小店🫢 日式家庭料理🗻 富士山嘅饭团🍙造型精致，卖相非常吸引💯咸咸甜甜几特别。粉红色嘅面🍜系素梅面黎，会食到紫苏香味。☕手冲咖啡🙌🏻一场黎到紧系要饮返杯，价钱就系睇番拣咩品种嘅豆，咖啡师仲会详细讲解～感觉非常之专业，除咗即场饮，仲可以买返屋企，自己慢慢冲嚟饮添㗎。整体嚟讲店员服务好，好细心、好亲切☺️ 摆设都尽显心思😆值得嘉许👍🏻👍🏻👍🏻📍 愿荣光咖啡馆 📍上环必列者士街31号地库
继续阅读
见做到29号，就来撑场，坐低叫左咖啡同伯爵茶千层蛋糕，朋友叫左柠檬特饮，咖啡好快到，特饮同蛋糕等左20分钟未到就问个女职员，佢话知道叫我哋等，再等多十几分钟先见到佢佢搞杯特饮，跟住等蛋糕期间见佢不停 pack 蛋糕再放回雪柜，见到一件蛋糕放作枱面，疑似是我的，但又唔比我，又等左十几分钟，佢 pack 完蛋糕，我再问佢我件蛋糕得未？佢问我枱上面个件系咪我的？我话我唔知呀？我都唔知佢枱面蛋糕系咩味道（佢布几款蛋糕），跟住女职员就问我：「你系咪好赶时间？」，我话我等左45分钟（其实唔止），之后佢就好串咁话；「你赶时间就下次再来啦，蛋糕order 可以取消！我嬲到😡，于是我叫佢取消，佢即时同我哋埋单，之后行出门口同门外等候的讲，吧格个两位已埋单，佢哋走就到你地，但我入座前在门口等左十几分钟时，有人埋单都未有出来同我地讲呢啲说话！即系赶客！咁差的态度就算唔租约满都好难留客啦 点解门口排咁耐就系有食物唔上，客人未食完点埋单！
继续阅读
地点唔就脚，打电话去问店员，佢话由中环站去比较近。我地行左大概四个字，要行入后巷落楼梯五点去到，店员话暂时冇位要我哋喺店外等。又冇飞拎又冇mark名，结果喺外面等嘅期间有一对couple客入左去，喺佢地无book位嘅情况底下畀佢哋坐低先。安排入座个下已经畀人迟嚟先上岸😠第一感觉唔好等咗四个字之后终于坐低，但落完order一直等一直等，等咗一个钟先有一件cake嚟. 大佬我只系叫一件开心果千层蛋糕啫 你现成拎出嚟都唔肯拎畀我 全场嘅人都系咁等 但大家都非常包容. 个个都坐喺度干等但冇乜人投诉或催单🤷🏻♀️全店有三个店员但唔知点解冇人有嘢食 如是者已经等到好燥,因为真系好肚饿.想cancel另一个小朋友餐等我哋可以出去食其他嘢 店员就话整紧啦整紧啦 下一个餐到你 结果等咗一个钟三个字先黎…都只系两个米奇老鼠造型嘅饭团啫，我逐粒逐粒痴都唔使咁耐啦🫤食物质素：ok，蛋糕算系好食，但性价比好低，因为全部食物都偏贵，重点系要有无比耐性先可以忍受好慢上菜👎如果唔系店内有只狗distract下应该感觉更加差结论：无下次，虽然本身都知佢就嚟执
继续阅读