富臨薈 (已結業)

同阿媽嚟到新城市買定新衫新鞋準備過年，買完嘢想食餐飯，唔係多人等位就係阿媽唔啱食。阿媽話附近有間富臨薈，佢同啲Auntie嚟飲過茶，連晚市都有茶飲，主打新派中菜，即管跟佢去試試~先喺門口打量一吓，廣告牌介紹新嘢，中餐廳都提供「情人節套餐」，仲要係High tea版嘅三層架，真係好創意!阿媽見到個「賀年撈起」廣告牌，問係乜嚟，我解釋過佢聽，撈起撈起，撈到風生水起。佢即刻心動，話不如試吓啲新年菜式啦！$288都唔平喎 阿媽!因為時間尚早，唔駛等位可以即時入坐。入到嚟見到張賀年點心紙，阿媽堅持要食。賀年撈起$288 – 薄脆片、芹菜、紅蘿蔔、青瓜、鮑魚、哈蜜瓜、銀魚仔花生，係排到幾靚嘅，中間有三文魚刺身。魚係一定要架，喻意年年有餘，好意頭嘛! 店員會走嚟幫手撈起，有笑容又積極，一邊撈一邊講好多好意頭嘅說話，阿媽又幫手撈埋一份。可以加少少特調柚子汁，唔會太酸，有麻油香味，不過我覺得唔駛落太多，落少少調吓味就得。發財大桔$38三件 - 其實係蝦餃嚟，個皮用左啲柑橘同柚子去搓，變左橙色，加埋薄荷葉，真係成個桔咁，幾神似！另外主餐單有個墨汁鮮蝦餃都係$38三件，想試新野就要試呢個！皮唔係薄，但就有少