影片
更多
2012-07-27
707 浏览
萬豪三月做過兩三個禮拜o既「順德美食節」，小肥隨着父母被邀請去試食晚宴，心感十分榮幸。其實自己都黎過萬豪中菜廳幾次，對其酒店級服務同寬敞舒適o既環境印象好深刻，所以聽到有機會再去都十分期待。聽講大廚本身係順德人，所以估計煮法會比較傳統，佳餚亦應該會較為正宗。見識少o既XO都係嗰日先知原來順德出名食魚，唔怪得知當晚o既菜單大部分都係魚啦。 生拆魚羮：先黎一味熱湯，暖下個胃，濕下個口，非常恰當o既舖排，讚！魚羮味道鮮甜濃郁，拆左骨o既魚肉亦見幼嫩，加埋豆腐粒一齊食更覺滑溜。 鳳城釀節瓜：依道餸係由豬肉粒，冬菇粒，同魷魚粒釀入節瓜而製成。小弟都係第一次聽到用魷魚釀節瓜，D大人話香口D wor，我就覺得OK啦。 大良四寶炒鮮奶：（$240）。四寶其中兩寶係蝦同帶子，蝦身爽甜，帶子軟滑，其餘兩寶之百合同欖角就爽脆。鮮奶唔會炒到一pat pat，感覺好似溝左蛋白咁，做得都幾滑，同四寶一齊食，口感好豐富，好有層次。 家鄉釀鯪魚（$240）：釀鯪魚外表非常吸引，栩栩如生，可惜小肥最怕鯪魚，所以最終都冇試。爸爸大讚個汁味道好，鯪魚又香又爽口，我睇見佢食左最少半條。 紅炆家鵝（$200）：鵝肉好入味，亦好
聽講大廚本身係順德人，所以估計煮法會比較傳統，佳餚亦應該會較為正宗。見識少o既XO都係嗰日先知原來順德出名食魚，唔怪得知當晚o既菜單大部分都係魚啦。
生拆魚羮：先黎一味熱湯，暖下個胃，濕下個口，非常恰當o既舖排，讚！魚羮味道鮮甜濃郁，拆左骨o既魚肉亦見幼嫩，加埋豆腐粒一齊食更覺滑溜。
鳳城釀節瓜：依道餸係由豬肉粒，冬菇粒，同魷魚粒釀入節瓜而製成。
小弟都係第一次聽到用魷魚釀節瓜，D大人話香口D wor，我就覺得OK啦。
大良四寶炒鮮奶：（$240）。四寶其中兩寶係蝦同帶子，蝦身爽甜，帶子軟滑，其餘兩寶之百合同欖角就爽脆。鮮奶唔會炒到一pat pat，感覺好似溝左蛋白咁，做得都幾滑，同四寶一齊食，口感好豐富，好有層次。
家鄉釀鯪魚（$240）：釀鯪魚外表非常吸引，栩栩如生，可惜小肥最怕鯪魚，所以最終都冇試。爸爸大讚個汁味道好，鯪魚又香又爽口，我睇見佢食左最少半條。
紅炆家鵝（$200）：鵝肉好入味，亦好夠腍，似乎炆鵝D肉冇咁嚡。
順德煎魚咀（$180）：一向怕魚o既XO真係比面，唔識食都食哂成塊。
魚咀煎得非常乾爽香口，蒜味香濃，送酒一流。
樂從魚腐浸時蔬（$180）: 魚腐脹卜卜，鬆軟腍滑又爽口，連個魚湯都好鮮甜，係咁多款魚之中XO最鍾意o既一味。
污糟雞 （$240）：食完咁多道魚，依款污糟雞好似特別美味咁。蒸製o既雞肉多汁嫩滑，因為去埋骨，所以更加受小肥歡迎！
唔洗自己比錢，可以喺酒店食飯，除左覺得超抵之外，食物都好似特別好食咁，喺度要再一次多謝Uncle請客預埋我！
张贴
