影片
更多
2019-11-18
1752 浏览
90年代初，已經喜歡在各區找舊書檔，荃灣當然也不例外，尤其是海霸街附近的一檔，更是經常到訪，事隔多年，左右已樹立起不少高樓大廈，連酒店都多了一間。香港如心海景酒店的中菜廳，差不多是每年跟囝囝的契爺契媽拜年時必到的晚餐點，其實，另一間咖啡廳的自助餐，環顧同區，可說是數一數二。一般酒店自助餐座位安排，都是整個大堂，但 Cafe Circles 竟然有好幾間廂房，更誇張是，有一張原木大長檯，足足可以坐超過20人。近日餐廳推出半自助晚餐，星期一至四每位$448起，而星期五至日、公眾假期及前夕每位478起。除了原有的自助餐菜色，另有一張menu，客人可點一款主菜，如果想進一步享受的話，更加可以加錢upgrade食物。頂級韓牛西冷扒（1++級）（8安士）（+$200） 雖然要加錢，但香港可以品嚐韓牛既地方有限，入口味道濃郁帶油香，質地鬆軟有嚼口，其實簡單的灑點鹽提鮮，味道更佳。慢煮美國戰斧牛排（4位用） 夠大又夠厚，足4位朋友享用，骨膜位帶微焦，食落更香口，不想加錢的客人可以多一個選擇。燒香料原隻春雞（2位用）（需時45分鐘） 其實都算大隻，雞皮烤得啱啱好，雞肉不覺“嚡”口，不錯。另外，所有
香港如心海景酒店的中菜廳，差不多是每年跟囝囝的契爺契媽拜年時必到的晚餐點，其實，另一間咖啡廳的自助餐，環顧同區，可說是數一數二。
一般酒店自助餐座位安排，都是整個大堂，但 Cafe Circles 竟然有好幾間廂房，更誇張是，有一張原木大長檯，足足可以坐超過20人。近日餐廳推出半自助晚餐，星期一至四每位$448起，而星期五至日、公眾假期及前夕每位478起。
除了原有的自助餐菜色，另有一張menu，客人可點一款主菜，如果想進一步享受的話，更加可以加錢upgrade食物。
頂級韓牛西冷扒（1++級）（8安士）（+$200）雖然要加錢，但香港可以品嚐韓牛既地方有限，入口味道濃郁帶油香，質地鬆軟有嚼口，其實簡單的灑點鹽提鮮，味道更佳。
慢煮美國戰斧牛排（4位用）夠大又夠厚，足4位朋友享用，骨膜位帶微焦，食落更香口，不想加錢的客人可以多一個選擇。
燒香料原隻春雞（2位用）（需時45分鐘）其實都算大隻，雞皮烤得啱啱好，雞肉不覺“嚡”口，不錯。
另外，所有均配迷你凱撒沙律配香草醬蝦球。
焗銀鱈魚柳伴香檳忌廉汁銀鱈魚毫無碎骨，啖啖肉好啱自己這等懶人，蘸點一下香檳汁更覺甜美可口。
主菜講完，又到變成配角既Buffet陣容。
羊腩煲畢竟到了深秋，蛇、鵝、蟹及羊都肥美當造，係自助餐中可以食到原煲上羊腩煲都幾有趣，但拎埋位要小心，因為實在太熱啦！
羊腩的確炆得好稔，但係好似唔覺有腐乳，有點美中不足。
潮式煎蠔餅煎得幾靚幾薄，色澤金黃。
海鮮可能另主角，所以只有紅龍蝦仔、凍蝦、鱈場蟹腳及青口，質素可以，至少無雪味，略嫌refill未夠快。
刺身提供了北寄貝、八爪魚、吞拿魚、三文魚、希靈魚、鯛魚及蝦，種類夠多，來了一碟併盤分享，質素不錯。
Carving Station燒羊髀及燒牛肉
當中比較喜歡烤得medium rare既牛肉合心意，但比起主菜要加錢既韓牛，當然給比下去。
熱葷
清蒸青斑
火喉啱啱好，肉質嫩滑，難怪好快比人清碟。
清蒸粉絲扇貝又係一個自己係屋企都整到既菜色，但好奇怪，每次都好受歡迎，尤其是粉絲比扇貝更吸引。
焗蠔芝士外層烤得微焦，好香口。
花枝時蔬有點宴會菜的感覺，囝囝好鐘意食，最衰今日無到。
加埋韓式扒牛肋條、東坡肉、燴排骨、蒸班片卷蝦球、天多利雞肉、印度烤餅咖哩豬肉及蒜蓉炒時蔬，其實佢地既熱葷好啱自己胃口。
燒味自家出品既叉燒、燒肉及燒鴨，尤其是叉燒，有嚼口同蜜味，幾好。
湯湯有人參雞湯同薏米雜菜雞肉湯；前者略嫌人參味稍淡，個人喜歡那種甘甘地的感覺。
麵檔中式火鍋（ 肥牛、豆卜、墨魚丸、貢丸、雲吞、豬肉丸、水魷、獅子狗魚蛋、豬皮、蟹柳同牛柏葉）
麵底有油麵及河粉。
在下係澱粉怪，食自助餐都會整碗麵，大雜麵湯底係喇沙，味道可以更濃郁些少。
前菜及Cold Cut
有印式魚肉沙律、泰式鳳爪、薯仔沙律、吞拿魚沙律、蠔油齋上素、甜酸齋上素、中華沙律及日式螺肉、蟹肉啫喱、海鮮紫菜蛋卷、煙三文魚、雜肉腸、黑椒吞拿魚及蕃茄肉伴軟芝士意大利黑醋汁。
款式多，而且可以每樣試少少。
甜品主角一定係雪耳冰糖杏仁蛋白燉奶，甜度啱啱好，質地滑溜，滿有蛋奶香氣，超正。
另外，有Buffet必備既哈根大師雪糕，今次有香蕉、雲呢拿及咖啡三款口味，但家陣on diet中，當然食比較少見既香蕉味。
甜品中，當然少不了朱古力噴泉，畢竟好受小朋友歡迎。
仲有brownie、麵包布甸、葡撻、草大福、黑糖和果子、藍莓焗芝士餅、芝士餅、焦糖燉蛋、木糠布丁、黑森林同埋紅棗杞子龍眼糖水。
飲品除了咖啡、奶茶外，有任飲橙汁同西柚汁。
雖然連加一差不多要500個大洋，但諗起朋友係K11食碗差不多$200碗既拉麵，事後仲要呻貴，我真係寧願食自助餐。
张贴
