影片
更多
2019-07-11
41 浏览
之前聽朋友介紹一直都想試下依間蟹仙, 上星期就打電話黎book定位, 星期6就黎九龍城行完Aeon就開餐依度既海鮮餐有4款, 由$298~$688/位, 今次我地就揀左$298試試佢先, 揀完餐店員好快就放低個南瓜豬骨粥底。接住落黎就上海鮮啦第一輪共有6款, 翡翠九孔鮑魚, 紐西蘭大蟶子, 泰國海中蝦, 深海龍躉片, 越南貴妃蚌, 紐西蘭青口。上枱第一感覺係, d海鮮size有d睇頭呀下平時食既海鮮鍋通常有張教學話你知貝類蒸幾多分鐘蟹又蒸幾耐分鐘咁自己計時, 但今晚哩餐我完全唔需要理, 只負責食同傾計, 因為店員由放海鮮入蒸鍋, 計時, 至到將海鮮夾到你面前都一手包辦, 服務周到, 爭在未餵到埋口咋😂點解依隻貴妃蚌蒸完都咁大隻, 差d就大過個殼肉好鮮甜, 我仲將殼入面既汁倒番落去煲粥唔好嘥❗九孔鮑肉厚口感Q彈其實款款都好鮮味, 始終海鮮只要新鮮,就咁清蒸就已經係極品, 海蝦口感札實, 蟶子皇彈牙, 龍躉片肉滑之餘個魚皮無得頂主角出場, 越南頂角膏蟹, 罕有大黃奄, 澳洲青年龍蝦。上枱時已砍半, 但絕對係新鮮即劏, 點解咁肯定呢...因為當我將隻蟹對住自己影哩張相既時候, 佢隻鉗無啦啦旭
依度既海鮮餐有4款, 由$298~$688/位, 今次我地就揀左$298試試佢先, 揀完餐店員好快就放低個南瓜豬骨粥底。
接住落黎就上海鮮啦第一輪共有6款, 翡翠九孔鮑魚, 紐西蘭大蟶子, 泰國海中蝦, 深海龍躉片, 越南貴妃蚌, 紐西蘭青口。上枱第一感覺係, d海鮮size有d睇頭呀下平時食既海鮮鍋通常有張教學話你知貝類蒸幾多分鐘蟹又蒸幾耐分鐘咁自己計時, 但今晚哩餐我完全唔需要理, 只負責食同傾計, 因為店員由放海鮮入蒸鍋, 計時, 至到將海鮮夾到你面前都一手包辦, 服務周到, 爭在未餵到埋口咋😂
點解依隻貴妃蚌蒸完都咁大隻, 差d就大過個殼肉好鮮甜, 我仲將殼入面既汁倒番落去煲粥唔好嘥❗
九孔鮑肉厚口感Q彈
其實款款都好鮮味, 始終海鮮只要新鮮,就咁清蒸就已經係極品, 海蝦口感札實, 蟶子皇彈牙, 龍躉片肉滑之餘個魚皮無得頂
主角出場, 越南頂角膏蟹, 罕有大黃奄, 澳洲青年龍蝦。上枱時已砍半, 但絕對係新鮮即劏, 點解咁肯定呢...
因為當我將隻蟹對住自己影哩張相既時候, 佢隻鉗無啦啦旭, 比佢嚇親當然知道佢係神經反射已唔係仲未死啦, 但都証明係好新鮮
d膏多到瀉出黎, 真係見到都流口水
兩個字, 鮮甜! 而且都多肉!
今日長左知識❗點解頂角膏蟹叫頂角膏蟹呢, 原來就係因為佢d膏生到無位生, 頂哂上蟹殼, 連d角位都有我就覺得食落有d似蛋黃咁既質感而黃奄真係好少有咁大隻, 平時有食下蟹或者去街市買下海鮮就知, 真係買唔到咁大隻同爆膏既蟹原來依間鋪個老闆係做海鮮批發, 咁就將最靚既貨留番比自己幾間蟹仙分店, 唔怪得除左蟹之外其他貝類都特別大隻又新鮮啦😈
澳洲青年龍蝦, d肉又白又彈牙, 蝦頭一樣係好多膏, 蒸得岩岩好成條龍蝦肉夾出黎食, 鮮
最後店員將芫荽等等既配料放埋落去粥底度煲多陣, 就可以食依鍋滿滿海鮮精華既粥啦!
今晚依餐十分滿足, 滿足在食材真係好靚好新鮮, CP值高中意食海鮮食蟹既人應該食過都會好似我咁翻尋味
张贴
