影片
更多
2023-07-09
41 浏览
好少行過呢邊，今次特登嚟試吓呢間Omakase慰勞吓自己！今次係試「神石」套餐，餐廳裝修簡約而時尚，師傅們都好熱情好客，服務一流。先係有前菜三味：黃佐豆腐、蛋黃醬瀨尿蝦同炸沙甸魚仔，首先擺盤已經係極有心機極靚，三款小食無論擺位定配色都好好，先食沙甸魚仔，呢塊天婦羅入面有超過200條魚仔，食落十分脆口，魚味濃郁！之後再食豆腐，呢款豆腐格外的甜，加上上面一塊較為清甜嘅海膽，成個配搭好好。而瀨尿蝦配上特調微酸蛋黃醬，更加吊到個鮮味出嚟。跟住係地金目鯛刺身，刺身切得好薄，較為輕口，本身地金目鯛有好香嘅油脂味，加上上面嘅柚子胡椒同山葵，捲埋嚟食，既有咬口，亦食到魚鮮味同醬料味，十分開胃。間住唔同菜式仲有十分香脆嘅鱈魚片，送酒一流！另一款係煙燻過的鰹魚，鰹魚湯就飲得多，刺身鰹魚真係第一次試，魚香十分濃，配上自家煙燻嘅味道，加上捲住嘅嫩蔥芽，又令佢更加Fresh，味道好令人難忘！之後呢款係和歌山燒大刀魚，師傅將佢整成一個禮物盒，一上盤就已經係一個視覺享受！大刀魚本身魚油較多，魚味獨特，燒過就更加嫩滑，食完魚油仍然留喺口腔內，回味無窮。之後就用盅上嘅煮赤目張，底下係昆布湯羹，師傅特登整到個湯較濃稠，而
今次係試「神石」套餐，
餐廳裝修簡約而時尚，師傅們都好熱情好客，服務一流。
先係有前菜三味：
黃佐豆腐、蛋黃醬瀨尿蝦同炸沙甸魚仔，
首先擺盤已經係極有心機極靚，三款小食無論擺位定配色都好好，
先食沙甸魚仔，呢塊天婦羅入面有超過200條魚仔，
食落十分脆口，魚味濃郁！
之後再食豆腐，呢款豆腐格外的甜，加上上面一塊較為清甜嘅海膽，成個配搭好好。
而瀨尿蝦配上特調微酸蛋黃醬，更加吊到個鮮味出嚟。
跟住係地金目鯛刺身，刺身切得好薄，較為輕口，
本身地金目鯛有好香嘅油脂味，加上上面嘅柚子胡椒同山葵，
捲埋嚟食，既有咬口，亦食到魚鮮味同醬料味，十分開胃。
間住唔同菜式仲有十分香脆嘅鱈魚片，送酒一流！
另一款係煙燻過的鰹魚，
鰹魚湯就飲得多，刺身鰹魚真係第一次試，
魚香十分濃，配上自家煙燻嘅味道，
加上捲住嘅嫩蔥芽，又令佢更加Fresh，味道好令人難忘！
之後呢款係和歌山燒大刀魚，
師傅將佢整成一個禮物盒，一上盤就已經係一個視覺享受！
大刀魚本身魚油較多，魚味獨特，燒過就更加嫩滑，
食完魚油仍然留喺口腔內，回味無窮。
之後就用盅上嘅煮赤目張，
底下係昆布湯羹，師傅特登整到個湯較濃稠，而調得淡味一啲，
就可以更加突出赤目張嘅鮮味，唔會喧賓奪主，
而赤目張魚肉彈牙，用咗青檸汁嚟提鮮，口感十分特別。
當師傅預備緊大餐時，又請咗我哋食山葵漬淮山同柚子蘿蔔，
兩個小食又酸甜又爽口，令人食唔停口
佢哋仲話呢味先係招牌菜！
師傅返嚟喇！原來係預備緊呢個蒸籠……
入面係魚子醬毛蟹燒賣，好Fusion嘅一個菜式，
燒賣上面係滿滿嘅魚子醬，齋睇已經好吸引，
而餡料係滿滿嘅蟹肉，一咬入口就感受到啲蟹肉係口腔內爆發，
令人十分滿足！
之後到我最期待嘅壽司環節！
師傅安排咗我哋由淡到濃，再由濃到淡去品嚐唔同嘅壽司，
第一款係長崎縣魷魚，上面有竹碳鹽、大葉同青檸，
呢款係比較新式嘅整法，配飾較多，
魷魚好爽口，易入口，作為第一款唔會覺得膩。
第二款係伊左木，白裡透紅嘅魚身油脂較多，
同時間食落又比較鮮甜，塗上薄薄一層醬油已經好好食！
第三款係富山灣赤貝，富山灣刺身出名新鮮，
而呢款赤貝賣相已經超靚，
食落貝身好爽甜，同之前兩款又好唔同！
第四款就係石垣鯛，上面加咗啲胡椒，
呢款鯛魚同前面嘅金目鯛又有啲不一樣，呢款油脂感會重好多，
味道較濃，作為七款壽司嘅中軸好適合，次序鋪排值得一讚！
之後係北海道燒帶子，
帶子半生熟，超級大粒，而師傅炸到佢有少少炸皮，
配上海苔，口感更加豐富，啖啖肉令人好滿足。
第六款係我至愛嘅大吞拿魚拖羅，配上海鹽，
呢塊係成條魚最精華嘅部分，魚身軟稔，魚油濃郁，
又超級大塊，食完真係感到一陣幸福感！
最後係北海道鯖魚，平時出街都會食鯖魚，
原來用嚟整壽司都好好食，會有少少醋香，加上鯖魚本身獨有嘅味道，
撈埋芽蔥、薑蓉，既係食到魚身嘅肥美，又感受到佢濃烈嘅甘味，
作為最後一味壽司，十分稱職。
海鮮嘅尾聲係呢款北海道白海膽，
海膽份量超級豐富，入口十分Creamy，一陣清甜嘅口感隨即爆發，
為呢次嘅大餐劃上咗一個完美句號！
最後上咗一碗赤味噌，豆味濃郁，味道適中唔會鹹，
而生果係香印提子，鋪上柚子蒟蒻後閃閃發光十分靚仔，
提子係日本送嚟，當然就超級香甜啦！
呢個價錢食到呢個質素嘅廚師發辦，又可以同廚師傾計交流，
真係無得彈呀！
张贴
