影片
更多
2024-04-03
27 浏览
未試過孤獨食串燒，因為大班人一齊係可以分享食多幾樣，但變左一定要點大路野，因為總有d野唔係全部人接受。依家我唔駛理人啦，因為呢度有好多可以單點。媽，我得左啦!🍖首先一定要點雞雞，特別部分一生人點都要試試掛。雞冠同雞腳跟，頂天立地都比我食哂，質感係好唔同但又有相通點。雞冠係煙靭但一d都唔難，有的似食厚魚皮，腳跟其實common但一般係成隻鳳爪咁食，要食得咁“鵰”就第一次，爽口有咬感。共通點係厚實，可以慢慢咀嚼，慢慢感受。點埋個麵豉醬，可以慢慢回味。提燈當然都係一直想試既野啦。兩個“燈”食落好似雞蛋，其他部份似雞肉，好似食生蛋親子丼，好容易接受。🍖海鮮係不可或缺既燒烤食材，磯燒鮑魚，鮑魚入味，起好晒膽，切成四塊，重新組裝反殼，簡單易食。白鱔飽滿，肉厚肥美，而且皮脆，自己加少少青檸，清新可口。仲有馬刀貝，成日食日本野都好鐘意，但今日先睇到原樣，原來係蟶子，真係大鄉里。燒得火喉岩岩好，唔老並且好鮮甜。今次仲食左期間限定menu龍蝦同鴨舌，龍蝦原隻起肉燒，超彈牙，而且個醬汁應該係用反佢d膏做，好濃郁好鮮。鴨舌都好過癮，係佐酒恩物。🍖我點左燒和牛同飯糰做主菜，和牛其實冇得輸，又林又有肉味，而且肉
🍖首先一定要點雞雞，特別部分一生人點都要試試掛。雞冠同雞腳跟，頂天立地都比我食哂，質感係好唔同但又有相通點。雞冠係煙靭但一d都唔難，有的似食厚魚皮，腳跟其實common但一般係成隻鳳爪咁食，要食得咁“鵰”就第一次，爽口有咬感。共通點係厚實，可以慢慢咀嚼，慢慢感受。點埋個麵豉醬，可以慢慢回味。提燈當然都係一直想試既野啦。兩個“燈”食落好似雞蛋，其他部份似雞肉，好似食生蛋親子丼，好容易接受。
🍖海鮮係不可或缺既燒烤食材，磯燒鮑魚，鮑魚入味，起好晒膽，切成四塊，重新組裝反殼，簡單易食。白鱔飽滿，肉厚肥美，而且皮脆，自己加少少青檸，清新可口。仲有馬刀貝，成日食日本野都好鐘意，但今日先睇到原樣，原來係蟶子，真係大鄉里。燒得火喉岩岩好，唔老並且好鮮甜。今次仲食左期間限定menu龍蝦同鴨舌，龍蝦原隻起肉燒，超彈牙，而且個醬汁應該係用反佢d膏做，好濃郁好鮮。鴨舌都好過癮，係佐酒恩物。
🍖我點左燒和牛同飯糰做主菜，和牛其實冇得輸，又林又有肉味，而且肉質軟滑，配合炸蒜脆脆，回味無窮。
🍺✨️咁放鬆既me time, 一定要開支清酒先夠盡興，越後櫻好有米味，清爽仲夾雜淡淡花香。爽口冰涼，好適合配串燒。
留港消費最緊要係可以盡興，飲幾多都反到屋企，呢度係個好選擇。
张贴
