響葫蘆 燒物 . 居酒屋 (已結業)

響葫蘆裝修咗，入到去唔再見到有神像，終於似番間日本餐廳。點菜關大人事，有得乜咪食乜。和風有機沙律---有瓜有菜有蕃茄，感覺啲蔬菜好新鮮，咬落爽甜，加個黑醋汁，又甜又酸味道開胃。香橙焗銀雪魚---真係勁好味，必點! 食落非常之清新，魚好滑嫩，沙律醬同橙好夾，夾埋銀雪魚保存魚味。什錦天婦羅---有蝦，有蕃薯，有南瓜，有蟹柳，有辣椒。炸得好脆口，炸皮同用料唔會分開。日式叉燒炒飯---飯唔軟又唔硬好香口，叉燒細細粒。