影片
港铁尖沙咀/尖东站 L5 出口, 步行约2分钟
继续阅读
开饭介绍
响葫芦位于尖沙咀，亚士厘道17-19号4楼(新建大厦)，以时尚特色设计概念，设有主题食区-寿司吧及特色露天户外坐位
继续阅读
营业时间
星期一至日
12:00 - 15:30
18:00 - 23:00
以上资料只供参考，请与餐厅确认详情
第一次嚟呢间食放题,主要都系想食佢个团购卖点：原条蒲烧鳗鱼!一开始先嚟个刺身,有三文鱼、立鱼、牡丹虾、荣螺、带子等等……我个人觉得牡丹虾肉质够鲜甜,又够大只,钟意食生虾嚟粉丝嚟讲可以不断追加,带子又滑,仲以为刺身食材都咁得,咁其他食品都应该唔差呱。叫咗个放题我必食既炸鸡软骨佐啤酒啦,因为我只有2人食,都预咗份量少少哋,嚟到连同其他炸物一并用个碗仔奉上。芝麻鸡翼炸得唔系脆,个烧鸡皮可以一试,有少少脆!另外个卖点烧鳗鱼味道尚算合格,如果有一班朋友嚟食,个卖相应该几壮观,因为我得2人,所以一碟只有四小件。如果系钟意食多类型既朋友应该会难满足到佢哋,冇甜品、冇锅类,天妇罗选择少,炒菜类只有一款。总括嚟讲我个人认为呢个食肆如果大家要求唔高都可以嚟食一次既。
继续阅读
半年前食响葫芦真系惊为天人，刺身、热食都好高质。今次见佢做团购，谂都唔谂，即买，仲叫埋亲戚朋友食。点知中大伏。首先，冇左个好好味既鳕鱼食，明明团购网话有的，我上次都有食。然系d刺身质素同上次比差好远，冇三文鱼腩。但都仲叫食得落口。火灸寿司既size全部系迷你版... 海胆手卷既海胆得弱弱一pat...熟食份量细到惨不忍到。牛肉粒得手指头咁大、鳗鱼切到细细，hea几片俾你。最激气系d炸物，油到湿pat pat，好得人惊。其实做到咁，不如唔好搞团购，自己做得唔gur，d客又食到一肚气。
继续阅读
我们一行9人订了这间。看见团购288。而家包加一225。谂住288既质素应该唔会点差挂。打去问。不用买直接给我们团购的价钱。订了。去到。9个人要坐外面。无冷气。先黎海胆手卷 - 份量少，唔新鲜。好难食刺身 - 三文鱼好一般，算差。 虾是唯一可以食的。 希灵鱼叫50片黎10片。(9个人呀！)之后叫炸野。咩都放埋一碟上。乱七八糟。味道一般。到重点鳗鱼任食。叫20份。黎20小片都无。一人都无一片。再叫80。服务员黑晒面话我地唔合理。食完先再叫。求其黎左3碟算。好我地好快食完再叫。又要等。8:15入座，9:30都未到先要埋单。一人都唔知有无食到3小片鳗鱼。埋完单吹last order。食到火都黎。9个人根本未饱。焗住点其他野食。食完就走。以后都唔会再黎。收贵但系所有事都好差。食物，服务。食物种类超小。千祈唔好去试！！！
继续阅读
又食放题喇！今日嚟到，梗系要大擦一餐啦！唔好讲咁多，即刻叫个刺身船先啦。我对刺身既要求就好简单，就要够新鲜，色水够靓。呢度既 三文鱼同虾都新鲜甜美，帆立贝，吞拿鱼都几好。原条烧鳗鱼就真系不得了，烧得香脆又热辣辣原盅蒸紫薯仔，好得意系出面都未食过，软绵绵又甜既紫薯最岩就系清蒸咁，甜味出晒黎饮品食物选择都几多，又唔会有漏单问题
继续阅读
团购上写明有嘅嘢都无，有欺骗成份。买团购时话明有银雪鱼、牛舌、海老天妇罗都无，所有嘅食物都系缩水迷你版，原条鳗鱼得四粒手指尾头一节咁细，连羊鞍都得条骨。。。。。嘢饮无乜选择另外，侍应服务态度有待改善绝对不会再去食
继续阅读