韓兄弟燒烤

营业中

休息中

住喺土瓜灣嘅朋友帶我來呢一間韓式餐廳食飯，餐廳係內街入邊，真係唔係地膽帶我來，我都唔識，幾鍾意入面嘅裝修，不停播着韓國歌曲，幾好feel。我老闆原來韓國人嚟嘅，點出嘅時候好似去左韓國咁，中文再加英文來點餐，好搞笑。烤牛肉（首爾特色）$128見到隔離枱食緊呢一個好似好好味咁，咁我哋都點左一個，佢唔似一般嘅韓燒係一個平板上面燒，睇住啲牛肉燒嘅時候，牛肉汁慢慢流落去下面嘅配菜上，好香。牛肉好嫩滑，肉汁多，將佢夾係山菜入面食，一嚟冇咁熱氣，二來會口感更加豐富，除咗牛肉之外，佢哋嘅配料煮到最後都好好食，最鍾意佢嘅面，因為索晒啲牛肉汁，甜甜地，好好食。芝士蛋卷＄98上枱嘅時候俾佢嘅份量嚇親，有手臂咁長，用刀切開嘅時候滿滿嘅芝士， 多層嘅蛋皮包住芝士，上面仲有辣嘅醬汁，食嘅時候不會太膩，絕對夠飽。原味炸雞＄150睇佢個餐牌上面寫住係李家炸雞，外皮炸得剛好，唔會太油膩，入邊嘅雞肉仲有肉汁，點個韓式辣醬食，真係好似韓國食緊炸雞咁。雖然佢哋冇加一，但係前菜都比到好多款我哋，仲有都可以得refill。