XOXO Café Lab (已結業)

好少入到黎將軍澳，難得一場黎到，都要食返啲野先走。俾角落呢間充滿少女風格嘅餐廳所吸引，就決定一試。單單睇呢度嘅裝修，唔會知佢係一間走韓風，仲要係fusion菜嘅餐廳。「拉芝」係城中熱話，作為韓國餐廳，當然都唔少得有相關嘅菜式。我地就點左佢嘅鐵板芝士燒韓國拉麵（牛肉）。估佢唔到咁大碟，三四個人share都仲得。一開始食，其實幾好味。不過唔知係咪對兩個人黎講真係太大份，感覺食到有啲「寡」，亦都越食越覺得偏鹹。再點左個甜品，叫親親物語。賣相一百分，不過食落外層棉花糖太硬，裡面嘅多士脆件就都算幾好味，如果可以多少少醬汁同熱食就更好。食左兩款菜式，有少少失望，不過都幾欣賞佢地嘅創意，創作出特別嘅食物，睇見都開心。