影片
唉～同老公食饭，十次有八次都会中伏既。因为唔想等位，就差不多次次都中伏。本来依间野都睇中左2，3样想食的，点知叫乜冇乜。真系把鬼，但系坐低左，又唔想再去揾食乜同等位。就求其叫啦。坐落坐落，都开始多人。不过大多数人应该都系同我地一样，唔想等附近果几间食店而入黎坐的。老公话依间野就系食流尾客定流水客㖞，就系专做果D唔想等位既客人生意。餐汤系跟个扒既，咁依个都OK唔算伏既，个包都几好味添。好多沙，好多沙，食到成口都系沙。老公重笑话，咁即系唔系番用的螺壳，真系新鲜架。太多沙，我食完已经唔记得系乜味，净系知好多沙。另一个跟餐的菠茶，其实依个都几好味，但味道唔西式，好似中菜果D炒菜咁。另外重有个白饭的，我唔记得影相呢。怕冇菜而叫的沙律，唔，依个好难难食既，都系生菜Mix埋一齐姐，如果咁都做到难食，真系地狱厨神都做唔到啰。我一向好钟意食大阪烧的，但依间真系唔好食，人地food court入面果间专做大阪烧同小丸子果间野都好食过佢好多。依间真系唔掂，一D都唔好食，食得好辛苦。全场唯一一碟好味的，系仔仔点既墨汁墨鱼饭，真系估唔到咁好食。之前果D全部好似屋企求其煮咁，依碟真系似样系出饭比钱食的，系唯一一碟值得比钱食的。总结，其实唔系唔想同老公出街食饭，但真系十次有八次都伏，食完大家都唔高兴，真系试新野，都系自己去左先好，确定过好味先揾老公。次次无目的地咁去食野，次次都食到一肚气。
继续阅读
星期日周围都好多人, 谂住呢间唔洗等好耐就入去试下. 点知捉虫....我同家人加$加左个汤同野饮, 顶...个汤淡而无味，又唔热嘅我叫咗杯冻柠茶但系冇叫走甜，黎左杯完全冇加个糖水落去嘅冻柠茶等咗好耐啲饭𩠌黎个牛扒好银好难食个意粉不知所谓，酱汁路好食, 海鲜又有怪味通风系统又差，冷气又唔够最死一样野系啲职员国内来的，态度非常之差，黑口黑面咁。大佬我有俾钱㗎我唔系黎受气啰!!!!!!!!!!!
继续阅读
头先喺呢间嘢食左个晚餐，一家三口共点左3个餐，1个牛扒，1个饭同1个意粉，今日比较人多，大约等左15分钟左右，牛扒同意粉相继送到而个饭就未到，心谂等多阵应该差唔到啦⋯⋯点不知食完个意粉同牛扒之后个饭都仲未出现，望下啲员工，佢又好似唔系好想理你，之后问个带眼镜个男人，佢就话整紧啦2分钟，顶你⋯等完又等又再等，过左几个2分钟都未嚟，再问第二个员工，个阿姐就话整紧架啦，我问佢系唔系漏左单？佢又话唔系，转头又话机坏左啲维修人员未到，心谂咁姐系点呀？成个问号喺度！我跟话取消张单，个阿姐就话帮我睇睇，睇完之后又无过嚟同讲跟成点，跟住又等⋯最惨既系连迟过落单既人个饭都嚟埋，真系火都嚟⋯最后顶唔住唔等啦！同个黑色衫既女人讲取消埋单，佢攞张单一句抱歉，对唔住咁都无讲，好似觉得无乜大不了咁，大佬呀⋯⋯成餐饭就系系咁等，啲单做唔到咪讲啰，又唔讲又要人等，又乜都等唔到，想点呢？埋单谂住听到你say个sorry都算，唔讲㗎㖞，好似问题喺我度，唔关你哋事咁！顶你咁做生意，几好食几咁平都冇用啦⋯⋯更何况唔系！唔驶钱都唔会过嚟食！今时今日既香港，你做得住可以话系一个奇迹！
继续阅读
去了一个新商场(TKO gateway),有好多不同美食。中西日韩等等都有。路过一间午餐送雪糕，房外气温34度，听见雪糕，二话不说，马上坐下。前菜，面包加汤:一般主菜:1)吉列猪扒旦包饭，水准之上2)西冷牛扒配薯菜，下次唔食餐饮:一般雪糕:全餐重中之重下次会再试其他主菜
继续阅读
呢间有d似高级版的茶餐厅🍴之前都有介绍过，午餐套餐都几抵食夹大份。1️⃣日式蕃茄汁照烧鸡扒牛乳蛋包饭 $63照烧鸡扒嘅肉质较为干身，冇咩肥膏，个块薄薄嘅炒蛋🍳比较油腻。蕃茄汁配饭唔错再加上沙律🥗就清新唔少。🙆🏻♀️美味指数:6.35/102️⃣罗宋汤+蒜蓉包罗宋汤🥣里面椰菜嘅份量几足够，不过加嘅胡椒粉调味可以少d。蒜容包好脆口，蒜容嘅味道较淡。🙆🏻♀️美味指数:6.10/103️⃣蒜蓉汁西冷牛扒配饭 $68西冷扒腌到d肉原本嘅味道冇哂，不过$68算系咁啦。仲要配大大份嘅饭。🙆🏻♀️美味指数:6.15/104️⃣Dryers Collection 忌廉芝士蛋糕🍰雪条呢个甜到腻🤢，佢上面有少少饼干🍪脆脆，忌廉芝士味系好浓郁下，都系几有口感嘅，不过吃多一两啖真系要喝d柠檬🍋水中和下。⚠️喝完柠檬🍋水再食会食到呕奶味🤮🙆🏻♀️美味指数:4.23/10💡整体来讲，唔知想食咩又想平平地，呢个都系一个不过不失嘅选择。
继续阅读