影片
更多
2017-08-04
210 浏览
呢幾日比另一半係咁洗腦話買部Switch可以一齊玩，無佢符起上黎唯有周圍睇下邊到有機買又唔洗食炒價。點知係樂富UNY撞見岩岩返貨，即刻原價入手，機率真係難過中六合彩 。買完機之後行過兩步見到呢間梨滿園，陣陣既燒肉味瀰漫而黎諗起好耐都無食韓燒，就同佢入黎燒返一晚。呢度座枱擺設十分寬鬆，每張枱頂上都會有一台吸油煙機，烤肉果陣可以拉下吸走油煙唔使搞到衫褲都一陣味。我地叫左一份二人套餐，驚唔夠食就額外再叫多一份烤金沙牛仔骨。 二人套餐包左前菜、烤肉什錦拼盤、生菜籃、炒粉絲或炒年糕、例湯同飯。落完柯打冇耐六款前菜已經立即送上，單單係前菜就已足夠食飽我地個肚咁濟。因為整得真係幾好味，其中腌蘿蔔絲同薯仔絲最吸引，蔔絲酸酸甜甜好開胃，薯仔絲就爽脆而且薯仔味濃郁，搞到我地兩個食唔停口。個餐可以係炒粉絲同炒年糕之間揀一款，咁我地揀左前者。炒粉絲乾身得黎仍然保持煙韌，牛肉片份量亦都好足，味道調得刪剛好，雖然食落好似有小小偏油，但同前菜配搭起上黎仍然醒胃。烤肉什錦拼盤，質素絕對在水準之上。而且豬牛雞款款肉都有，可以一次過滿足晒三個口感願望。學韓劇入邊嘅食法，將肉烤到微焦然後用生菜包住，再加泡菜、蒜粒，一啖放入
買完機之後行過兩步見到呢間梨滿園，陣陣既燒肉味瀰漫而黎諗起好耐都無食韓燒，就同佢入黎燒返一晚。
呢度座枱擺設十分寬鬆，每張枱頂上都會有一台吸油煙機，烤肉果陣可以拉下吸走油煙唔使搞到衫褲都一陣味。
我地叫左一份二人套餐，驚唔夠食就額外再叫多一份烤金沙牛仔骨。 二人套餐包左前菜、烤肉什錦拼盤、生菜籃、炒粉絲或炒年糕、例湯同飯。
落完柯打冇耐六款前菜已經立即送上，單單係前菜就已足夠食飽我地個肚咁濟。因為整得真係幾好味，其中腌蘿蔔絲同薯仔絲最吸引，蔔絲酸酸甜甜好開胃，薯仔絲就爽脆而且薯仔味濃郁，搞到我地兩個食唔停口。
個餐可以係炒粉絲同炒年糕之間揀一款，咁我地揀左前者。炒粉絲乾身得黎仍然保持煙韌，牛肉片份量亦都好足，味道調得刪剛好，雖然食落好似有小小偏油，但同前菜配搭起上黎仍然醒胃。
二人套餐
11 浏览
0 赞好
0 留言
學韓劇入邊嘅食法，將肉烤到微焦然後用生菜包住，再加泡菜、蒜粒，一啖放入口。肉香、清爽嘅生菜加上強烈既蒜味同辣味，一次過係口腔入面翻滾浮現，滋味就係咁樣混合出黎。我地試過配上唔同配料去食，但都係呢個配搭最啱口味，所以就成為左我地食燒肉嘅方程式。
烤金沙牛仔骨
12 浏览
0 赞好
0 留言
而額外單點嘅金沙牛仔骨肉質十分香嫩，輕輕一咬就肉骨分離，沾一沾燒烤汁味道更豐滿，同埋份量好多絕對係必點之選。
飲飽食醉後，埋單之際店員再送上幾片飯後橙，酸甜嘅橙汁將整晚嘅油膩感同埋熱氣一掃而空 ，為我地久違嘅韓燒晚餐劃上完滿句號。
张贴
