影片
烧肉品质都几好，无论是海鲜类还是肉类，都算新鲜，就算「烤功」麻麻哋都可以烤得几好食。牛肉带雪花，烤完油花香喷喷。三文鱼刺身无功无过，还算唔错。蛋饼有少少腻。总体好抵食！
继续阅读
早一日订位，预订可优先坐卡位。个炉板几好烧，唔易黐底，限食90分钟内换咗两次算系少。收得成人晚市每位$26x，小童$16x左右。唔能够期望有华丽装潢，并且个抽气喉亦都大概只能抽走五成油烟，所以食完会预咗一身油烟徐。不过俾啲肉份量唔少亦非下栏嘢，仲要有啲三文鱼刺身片食吓，只系鱼生等咗45分钟先上菜。首轮送嚟嘅牛肩肉同牛板腱肉都肥瘦有致易啮开，惜后劲不计，之后几回送嚟开始愈嚟愈靭冇咁好牛味了。然而牛仔骨就keep住好食，少少肥肉黐住大大片瘦肉，烧起嚟唔鞋口，叫咗三回。值得一提系韩式蛋卷，卖相唔美艳，但食到有啲蛋汁香溜溜，卷埋啲紫菜几creamy又唔太咸，于是叫咗两回。炒粉丝又系样丑黐埋一堆但唔太油几够味。以小型韩烧放题嚟讲质素算系交到差。
继续阅读
27/6 梨满园韩国料理-乐富今日同朋友放工后去佢屋企附近嘅餐厅食放题，因为价钱非常合理，所以入去试吓。肉类种类都唔少，亦有好几种牛肉俾我选择，对于钟意食牛嘅我都系有加分嘅。一坐低职员就奉上前菜小食，有好吸引嘅泡菜味道亦唔错。因为放题所以咩肉都要试吓，基本上所有牛肉我哋都叫咗，最好食嘅我觉得系牛板腱肉同牛仔骨，前者肉味浓有少少雪花，唔会食太肥嘅我非常钟意；牛仔骨系腌过嘅，烧完之后，肉亦唔痴骨，好好味。除咗牛肉我哋亦叫咗海鲜、三文鱼刺身、炒饭、炒杂菜、炸鸡、炸鱿鱼同汤，种类都唔少，总有一款系啱你心水。真心食得好饱，味道普遍都唔错，而且亦有任饮汽水，座位亦好宽敞，真系一个识煮吹水嘅好地方。
继续阅读
之前一直好想食韩国烧肉，近近地就去咗乐富梨满园韩国料理，价钱又唔贵，成人都系大约$200 左右，任食烧肉，就入去试试❤️一坐下立即送上韩式前菜，有泡菜、豆芽、菠菜，开胃好食😍而食物方面都几多选择🙆🏻♀️而我哋叫咗顶级韩牛肩肉，顶级韩牛板腱肉，顶级韩牛仔骨，美国顶级肥牛等等💕肉质份量十足，好厚身，味道不错，可以就咁食或配上生菜，饮品有汽水任饮，生菜同配菜都可以添🙌🏻❣️试后感:性价比唔错，食物同服务都几好，会推荐韩牛仔骨同牛板腱肉，好食👍🏻除了烧肉外，海鲜都几好食，总括系抵食!不妨一试呀❤️
继续阅读
记得学生时期已有光顾过，历史非常悠久，系回忆嘅味道呀！一入座姐姐已经递上生菜同蒜头，前菜有：芽菜、泡菜、菠菜食韩烧最钟意就系用生菜包啲肉黎食，一黎感觉健康啲，二黎亦唔怕食太多肉会滞，夹埋蒜头简直就正！菠菜腌得好入味，亦唔会过咸泡菜酸酸地好开胃，芽菜好爽脆即刻开始叫嘢食，放题限时一个半钟，肉类嘅选择都几多下，食肉兽表示非常满足牛肉嘅油花都几靓，ＣＰ值几高，牛仔骨好惹味＊海鲜方面有虾、带子、青口同埋鱿鱼鸡脾菇烧完好多汁好JUICY餐厅的抽风几好，唔会好大油烟，而且装修几有ＦＥＥＬ烧到咁上下，个镬开始㶶嘅话仲可以麻烦姐姐换板。除左烧肉之外仲有好多唔好嘅韩式小炒，刺身寿司同埋炸物大满足呀！！
继续阅读