韓燒大叔

营业中

休息中

餐廳：韓燒大叔地點：旺角西洋菜南街菜式：韓燒餐廳餐牌：午市套餐有15款，包韓式小食3碟，非酒精飲品一罐，加湯一碗。星期一至五午市供應。價錢唔貴喎。韓式炆牛肋骨飯 $128呢款韓式炆牛肋骨飯係主廚推介，當然要試吓。炆牛肋骨滿滿一碗，好多肉食，有骨有筋帶少少脂肪，炆得好腍，而且超入味，個湯甜甜哋餸飯一流。伴有白蘿蔔，紅蘿蔔同少量洋蔥，吸左個湯好濃味。個湯加左香料同果皮，味道濃郁，令我忍住唔要撈湯食哂成碗飯。跟餐熱白飯較乾身，好有米香，啱晒撈湯食。韓式小食8選3，我揀左韓式芽菜，韓式白蘿蔔，韓式小白菜。韓式白蘿蔔清新爽脆，味道酸酸甜甜，伴有一粒紅蘿蔔添。韓式芽菜麻油味香，唔會太油，仲加上蔥花。韓式小白菜少見喎，蒜蓉味好香，小白菜嫩綠。湯有紅有白，紅湯係泡菜豬肉湯。料多，除咗泡菜同五花腩，仲有豆腐，味道辣得過癮，可以先暖暖胃。非酒精飲品10選1，我揀左樂天蘆薈汁。今餐食物質素唔錯，食完成個餐都好飽。餐廳裝修骨子，乾淨企理。