炑八韓烤 (MegaBox) (已結業)

係香港食韓燒有好多選擇，我就鍾意去炑八。坐底無耐就上哂啲前菜。個沙律加左柚子醬，酸酸甜甜咁，啲菜都好新鮮，好開胃。炑八的前菜係可以無限refill，我地當晚都加左幾次泡菜蛋同芝士粟米，好味護心肉好淋，燒一陣就食得，不過肉味唔重。五花腩係韓燒必食之一，望落已經好吸引，厚度適中，油分好夠，燒個時搶哂火，層肥肉都燒到好香口，不過肉質就硬左啲。雞肉就麻麻地，無咩特別，可省略。最好味係個牛肋條，上枱時係一大條，燒一陣就可以剪開佢再燒多陣就食得。肉質夠淋而且多汁，加少少鹽已經好好咪年糕同魚糕都仲好煙韌，但啲配菜就偏淋，無哂口感。