梨滿園韓國料理 (已結業)

好耐無食過韓國菜喇，朋友聚會選址較方便的樂富，商場內有間叫梨門園既韓國燒烤，在地鐵站旁的商場內，地鐵出閘步行3分鐘就到了~~~地點非常之方便～～內裡非常寬敞，地方大所以唔洗等好耐就有位，我地5個人叫咗個4人餐。一坐下來服務員就捧來韓式小食六小碟，碟碟都清爽可口。烤肉什錦拼盤(豬，雞，牛)，五花腩煎完出左啲油，食落好爽口。牛肉醃得好香，唔洗點汁都好夠味。雞肉煎完唔乾，仲好腍好香。生菜籃配麵豉醬，生菜綠綠的，望落非常新鮮同乾淨，朋友將生菜夾上牛肉，味道非常夾，口感非常好，大家可以試吓！香煎餃子，餃子煎得好香好脆， 入面有肉汁，幾好味。鹽燒鯖魚，條魚外面燒到好脆，好香口。師傅將時間拿捏得啱啱好，雖然魚皮燒到好脆，但魚肉仲係好juicy好好嫩滑。再加檸檬汁再點附上嘅汁食，完全係想再叫多份黎食。餐廳環境好，服務員也很周到！燒烤的吸氣管很強，出來不會好大陣燒烤味，都是個優點。價錢都好，低食。餐廳都有套餐可以選，一定會再來！