影片
更多
2023-01-03
841 浏览
💎總評分：7.0/10-食burger嘅餐廳就多，但專門食漢堡扒嘅地方就較少見😯！餐廳實屬韓國過江龍，除左招牌鐵板熱石漢堡扒外，仲有炸雞🐓、薯條🍟同韓式主食🇰🇷等，每個座位都有安裝獨立抽氣位，燒肉時對準熱石就可以抽走油煙！ 1️⃣ 兩人套餐04 $336所有兩人套餐都包左二人味增湯🥣、棷菜沙律🥙、飲品🧃、一個主食🍚，兩個漢堡扒🤩，餐廳名物緊係要一人一份！Set 04標籤左為情侶推介🤔，應該係漢堡扒口味不同，可以兩個人share，再跟一個飯，男士大食D都夠飽😹！🍖菠蘿煙肉和牛漢堡扒 / 芝士蛋蒜和牛漢堡扒 成個波咁大嘅漢堡扒俾蛋漿圍住🥚，喺鐵板上面處於全生狀態，每次分成小份用熱石煎熟♨️，每邊幾秒好快就熟左。兩款漢堡扒嘅肉係一樣，預先醃得入味😋，不同之處在於配料，配芝士蛋蒜重量級惹味🧀，配菠蘿煙肉有少少清甜balance反一下🍍，用煎蛋夾住一啖擺入口，極度滋味🤤！個人覺得唔需要額外加醬油或鹽，已經好夠味，不過真係好重油份😖，一路煎一路睇住D油滋滋聲咁滲出嚟，真係食爆一星期quota呀😭！🍚 芝士泡豚丼飯 份量驚人，差不多有三碗飯😎！巨碗蓋滿芝士泡菜豚肉🐖，充滿韓風口味，熱辣辣上枱時勁香🤤，邊攪
-
食burger嘅餐廳就多，但專門食漢堡扒嘅地方就較少見😯！餐廳實屬韓國過江龍，除左招牌鐵板熱石漢堡扒外，仲有炸雞🐓、薯條🍟同韓式主食🇰🇷等，每個座位都有安裝獨立抽氣位，燒肉時對準熱石就可以抽走油煙！
1️⃣ 兩人套餐04 $336
所有兩人套餐都包左二人味增湯🥣、棷菜沙律🥙、飲品🧃、一個主食🍚，兩個漢堡扒🤩，餐廳名物緊係要一人一份！Set 04標籤左為情侶推介🤔，應該係漢堡扒口味不同，可以兩個人share，再跟一個飯，男士大食D都夠飽😹！
🍖菠蘿煙肉和牛漢堡扒 / 芝士蛋蒜和牛漢堡扒
成個波咁大嘅漢堡扒俾蛋漿圍住🥚，喺鐵板上面處於全生狀態，每次分成小份用熱石煎熟♨️，每邊幾秒好快就熟左。兩款漢堡扒嘅肉係一樣，預先醃得入味😋，不同之處在於配料，配芝士蛋蒜重量級惹味🧀，配菠蘿煙肉有少少清甜balance反一下🍍，用煎蛋夾住一啖擺入口，極度滋味🤤！個人覺得唔需要額外加醬油或鹽，已經好夠味，不過真係好重油份😖，一路煎一路睇住D油滋滋聲咁滲出嚟，真係食爆一星期quota呀😭！
🍚 芝士泡豚丼飯
份量驚人，差不多有三碗飯😎！巨碗蓋滿芝士泡菜豚肉🐖，充滿韓風口味，熱辣辣上枱時勁香🤤，邊攪拌邊見到芝士拉絲，超邪惡！
跟餐附送嘅嘢飲可以免費選擇罐裝飲品🧃，或者加$38升級特飲！
用餐體驗幾得意，店員會停時更換熱石🗿，仲會俾個索繩袋你keep住大褸同大件隨身物品，服務細心❤️。不過雖然已經一人一個抽氣位，但係肉嘅油份頗多調味濃，食完難免會有少少油煙味🫢~ 去食嗰日女士盡量避免着毛毛褸吸晒啲味啦😬！
-
環境服務：⭐⭐⭐
食物質數：⭐⭐⭐
打卡指數：⭐⭐⭐
张贴
