龍門冰室 (已結業)

電視台啱啱重播Ironman，今晚食晚飯呢間冰室咁啱又見到Ironman 模型，真係巧合。餐廳唔係好大，七點鐘左右已經差不多滿座，好在早少少到左，好快就有枱坐。叫左一set晚餐，$72一set，有餐湯丶沙律丶主菜同飲品。今晚係雜菜湯，好大碗，個碗嘅size好似嗰間上市茶餐室米線嗰隻size。沙律有home made感覺。主菜我揀左四式芝士意大利粉。餐飲我加錢要左凍檸樂。係餐牌見到有韓式炸雞，又叫左一客嚟食，炸鷄炸得外脆內軟，唔會有油膩感覺，喺今晚晚飯嘅驚喜。