影片
更多
2023-05-10
44 浏览
呢間韓國麵包車一直想試好耐，今日終於有機會一試。呢度嘅裝修就有韓國大排檔嘅感覺，全部都係摺檯，但有個細心位就係地下會有個籃俾你放袋。我哋一行三人叫咗五樣嘢食，四杯嘢飲。基本上入到嚟見到每一台都會叫魚糕串湯，魚糕湯係韓國一個好出名嘅街頭小食。大概有五串魚糕同唔同類型嘅魚糕。至於湯頭係同韓國食嘅分別唔大，唔知點解呢個湯會令人着迷。另外，我哋仲叫咗薯仔煎餅，原來薯仔煎餅嘅口感好煙韌，在點上佢俾埋嘅汁，突出左煎餅嘅味道。如果對比起平時食開嘅泡菜煎餅，我覺得薯仔煎餅更加好味。另一樣食物就係期待已久嘅醬油蟹，好怕醬油蟹太腥，但係呢一隻就唔會。雖然蟹膏唔係話勁爆多，但肉質同喺韓國食幾既都好似，而且會另上紫菜俾你夾埋啲蟹膏蟹肉一齊食同行朋友推薦甜辣炸雞，但係對於我嚟講就有啲辣。炸雞都幾大份，而且每一件到係啖啖肉，就算有甜辣醬都唔會令炸雞嘅外皮太淋。三個人share完全啱啱好。雖然我哋仲嗌咗芝士泡菜雞蛋卷，但係因為前面嘅餸菜實在太出色，相對之下呢一個就正正常常。值得一讚呢度嘅飲品都算多，有五花八門嘅酒類之外，都仲有梳打水for 唔飲酒嘅朋友。但係當下嘅氛圍就非常之啱同朋友飲番杯
我哋一行三人叫咗五樣嘢食，四杯嘢飲。基本上入到嚟見到每一台都會叫魚糕串湯，魚糕湯係韓國一個好出名嘅街頭小食。大概有五串魚糕同唔同類型嘅魚糕。至於湯頭係同韓國食嘅分別唔大，唔知點解呢個湯會令人着迷。
另外，我哋仲叫咗薯仔煎餅，原來薯仔煎餅嘅口感好煙韌，在點上佢俾埋嘅汁，突出左煎餅嘅味道。如果對比起平時食開嘅泡菜煎餅，我覺得薯仔煎餅更加好味。
另一樣食物就係期待已久嘅醬油蟹，好怕醬油蟹太腥，但係呢一隻就唔會。雖然蟹膏唔係話勁爆多，但肉質同喺韓國食幾既都好似，而且會另上紫菜俾你夾埋啲蟹膏蟹肉一齊食
同行朋友推薦甜辣炸雞，但係對於我嚟講就有啲辣。炸雞都幾大份，而且每一件到係啖啖肉，就算有甜辣醬都唔會令炸雞嘅外皮太淋。三個人share完全啱啱好。雖然我哋仲嗌咗芝士泡菜雞蛋卷，但係因為前面嘅餸菜實在太出色，相對之下呢一個就正正常常。
值得一讚呢度嘅飲品都算多，有五花八門嘅酒類之外，都仲有梳打水for 唔飲酒嘅朋友。但係當下嘅氛圍就非常之啱同朋友飲番杯
张贴
