韓燒大叔

营业中

休息中

呢度晚市主打韓燒放題，午市有lunch set，每個餐除咗主菜，仲有湯加飲品同可以揀3個前菜，泡菜、芽菜、粉絲、醃蘿蔔、薯仔同小白菜，味道幾好，其實我好鍾意食呢啲韓式前菜~湯可以揀韓式蘿蔔湯或者泡菜湯，個人喜歡泡菜湯多啲~🔘人蔘雞湯配白飯望落去清清地嘅雞湯，飲落原來味道超濃郁，有人蔘嘅甘苦味，仲有一大件雞，頗為健康嘅午餐~🔘紫菜包飯揀咗牛肉，都幾足料，飯嘅比例唔會過多，如果再多番啲麻油味會更好~其實佢個牛肉部隊鍋好吸引，都好耐冇食過，但呢日腸胃唔係太舒服，所以揀嘅食物都以清淡d為主，唯有下次先試喇