影片
更多
2023-05-08
3390 浏览
餐廳：Outdark (尖沙咀)地址：尖沙咀厚福街8號H8 17樓韓國人氣過江龍炸雞店Outdark喺尖沙咀已經開咗8年有多，餐廳由韓國釜山人打理，佢哋嘅炸雞同Cheese Kingdom多年嚟一直深受香港人歡迎👏，加上悉心設計過嘅打卡裝修環境，今次第2次嚟，同樣都喺大排長龍，要食就記得早啲book位😎喺厚福街H8上到17樓，一打開門就見到一幅彩色鎖牆🔒，無論同愛人一齊寫低山盟海誓嘅誓言，定喺寫低自己嘅心事願望都一樣得。天花板掛滿星星同雲⭐️☁️，再刻意較暗環境嘅燈光，夠晒放鬆又浪漫💕。餐廳仲有「給未來的信」活動，食客可以寫信比將來嘅自己，放入信箱之後一年就會收到✉️，呢個活動幾有意義，而我就希望自己可以勿忘初心，唔知有機會你又會寫啲咩比自己呢？✝️雙拼炸雞(全份) $208為咗保留韓國嘅原味，餐廳特別用上韓國雞肉同上乘嘅食油香炸，令5款口味嘅炸雞人見人愛🍗。點咗個雙拼原味配香蒜蜜糖炸雞，原味炸雞皮薄肉嫩而多汁，加上啱啱上枱即刻食，咁就食到香口得嚟又熱辣辣嘅雙重享受🤤；香蒜蜜糖甜而不膩🍯，面頭嗰層醬汁令炸雞食落無咁Dry；另外仲有薯條同薯角🍟，雖然邪惡但喺真喺好好食🤣✝️串串魚糕湯 $218魚糕
地址：尖沙咀厚福街8號H8 17樓
韓國人氣過江龍炸雞店Outdark喺尖沙咀已經開咗8年有多，餐廳由韓國釜山人打理，佢哋嘅炸雞同Cheese Kingdom多年嚟一直深受香港人歡迎👏，加上悉心設計過嘅打卡裝修環境，今次第2次嚟，同樣都喺大排長龍，要食就記得早啲book位😎
喺厚福街H8上到17樓，一打開門就見到一幅彩色鎖牆🔒，無論同愛人一齊寫低山盟海誓嘅誓言，定喺寫低自己嘅心事願望都一樣得。天花板掛滿星星同雲⭐️☁️，再刻意較暗環境嘅燈光，夠晒放鬆又浪漫💕。餐廳仲有「給未來的信」活動，食客可以寫信比將來嘅自己，放入信箱之後一年就會收到✉️，呢個活動幾有意義，而我就希望自己可以勿忘初心，唔知有機會你又會寫啲咩比自己呢？
✝️雙拼炸雞(全份) $208
為咗保留韓國嘅原味，餐廳特別用上韓國雞肉同上乘嘅食油香炸，令5款口味嘅炸雞人見人愛🍗。點咗個雙拼原味配香蒜蜜糖炸雞，
原味炸雞皮薄肉嫩而多汁，加上啱啱上枱即刻食，咁就食到香口得嚟又熱辣辣嘅雙重享受🤤；
香蒜蜜糖甜而不膩🍯，面頭嗰層醬汁令炸雞食落無咁Dry；另外仲有薯條同薯角🍟，雖然邪惡但喺真喺好好食🤣
✝️串串魚糕湯 $218
魚糕喺韓國夜市嘅大明星🌟，經常大受歡迎，
餐廳仲特別用咗熱鍋送上，一邊用火爐保持溫度，直頭感受到喺韓國街頭冬冰冰咁食住熱辣辣魚糕嘅滋味🥰。當中仲有年糕、獅子狗、金菇、鵪鶉蛋、白蘿蔔、青口、粉絲等配菜，
令魚糕湯嘅鮮味提升之餘，同時索返晒魚糕湯嘅精華，一舉兩得🤓
✝️泡菜煎餅 $118
第一啖食落先有微微焦脆煎香嘅口感，
加上泡菜同青紅椒爽脆嘅特性同煎餅煙韌嘅質感，層次都幾豐富👍，醃泡菜所帶嚟嘅酸辣香味仲令煎餅食起上嚟無咁膩，
蘸埋自家製韓式沾汁就更加帶嚟鹹鹹哋同夠晒鮮味嘅完美配搭，值得一試🤩
飲品方面除咗韓國馬格利米酒，仲有燒酒🍶、水果氣泡特飲🫧、韓國熱茶等，叫咗杯藍莓乳酪($48)同柚子梳打($38)，食完炸雞、煎餅呢啲邪惡食物飲解渴一流😋
张贴
