OPPA Coffee Bar Restaurant

今日收工經過尖沙咀諗唔到食咩好，朋友建議過嚟韓國街睇下有咩食，跟住經過呢間oppa coffee bar restaurant好似幾好味同幾多人排隊，所以就試吓呢間人氣店。

上網見到呢度最出名嘅係熔岩炒飯，有六款唔同嘅口味，今次叫咗秘製章魚蛋漿熔岩炒飯。

個炒飯嚟到之後，店員會親自過嚟處理呢個炒飯，佢會用火槍加熱鐵板，然後加入芝士同蛋漿再用火槍燒溶芝士，再將炒飯同芝士蛋漿混合，撈成拉絲狀。食落每一啖都有粒粒嘅章魚同芝士，味道不錯，嚟到一定要食。

嚟到韓國餐廳梗係要食炸雞，我哋叫咗個蜜糖牛油無骨炸雞，外皮香脆食落有好濃郁嘅蜜糖牛油味，底部仲有薯條。

最後叫咗個韓式泡菜湯，十分足料但個人認為味道偏鹹。