OPPA Coffee Bar Restaurant

营业中

休息中

🔸  原味炸雞一隻 $218上枱一大盤炸雞件， 韓國炸雞果然名不虛傳，炸得好靚好脆，係由原隻雞切件，裹上薄薄有蛋味嘅炸漿現點即炸，配有新鮮炸起嘅薯條，蘸料係 甜酸醬同蒜香汁，配菜係我個人最愛嘅前菜 腌白蘿蔔粒，相當爽脆。 香脆嘅炸雞份量都唔少，亦可以點無骨嘅，可以啖啖肉，但我個人就喜歡輪下雞骨餸下啤酒😚味道：7/10性價比：6/10🔸 Jumbo 拉麵   $128有芝士粒、魚糕片、年糕、泡菜， 同埋相當多紫菜， 用個銻煲裝起 一大煲 ，煲中間打咗隻生雞蛋，拉麵湯底由韓國大廚每日用幾個鐘炮製，味道清甜。芝士粒喺滾熱辣辣嘅湯上面慢慢就會融化，變咗可以玩拉絲🍜 魚糕似關東煮魚片之類， 由於面裏面有啲好辣嘅泡菜，所以撈埋一齊成碗麵就會偏辣。味道：6/10性價比：6/10 🔸  韓式 牛肉烏冬   $128烏冬湯底係好健康嘅，一啲油都冇嘅清湯，一啲都唔會鹹，喺一個韓國斧山地道麵食。 配菜就跟↑拉麵差唔多，只係冇咗泡菜同埋芝士。燒牛肉就係另上，用咗啲椰菜一齊炒， 係阿豬媽韓系家庭撚手小炒， 韓牛炒得好香口，食落有好鮮甜嘅牛味，味道超濃厚，但係就稍為油膩偏甜一啲🤪味道：7/10性價比：7/10▪️

我同朋友好鍾意食韓國菜，今次去尖沙咀韓國街食野，嚟呢間oppa店食野。⭐️甜辣無骨炸雞味道甜辣甜辣的，仲有薯條食。⭐️炒年糕醬料有少少辣，年糕Q彈好入味，食返魚糕&雞蛋就無咁辣。⭐️馬鈴薯排骨湯薯仔煮至軟爛，排骨肉質鮮嫩，係咁「損」骨頭，正。⭐️泡菜五花腩五花腩肥瘦肉平均，配埋酸辣嘅泡菜& 紫蘇葉食，推薦。平時麻麻地紫蘇葉，但咁樣食唔錯。⭐️真露燒酒、可樂本身想飲燒啤，但我地太廢了，選擇用可樂代替啤酒，好岩新手。

見到餐廳內重播安德專拍的廣告，就知這間餐廳有點歷史。呢度出名芝士🧀料理，就點了一個芝士雞腿，果然睇得又好食。🥢芝士雞腿：首先職員表演燒芝士🧀，然後將溶化既芝士包住雞鎚🍗，甜辣醬同芝士味幾夾，仲幾開胃，我中意雞鎚方便食用。🥢泡菜魚糕拉麵：辛辣麵夠粗又掛湯，夏天用泡菜紫菜湯特別爽，配菜有魚糕、年糕同蔬菜。🥢蟹膏泡菜飯卷：飯卷好香麻油味🥰，饀料有甘荀絲、蛋絲、青瓜同蟹膏，蟹膏咸香易入口，同其他配料都夾，同埋幾啱夏天食。

近排好少食韓國菜，所以就特登去韓國街嗰度搵間餐廳食，自己都好耐冇去到韓國 ，去返韓國街可以搵到去韓國嘅樂趣 泡菜蛋漿熔岩炒飯炒飯特色在於泡菜嘅酸辣味與蛋漿嘅滑順結合，而且仲用鐵板上，炒飯粒粒分明，口感豐富。用火槍整成熔岩蛋流心效果使整道菜更加誘人，之後再加上芝士時，濃郁的蛋香+芝士與泡菜辛辣交織，令人垂涎蜜糖牛油炸雞（半）炸雞外皮金黃酥脆，小編仲要揀咗冇骨，炸雞啖啖肉，肉質鮮嫩多汁。蜜糖與牛油搭配帶來甜膩感，讓人一口接一口。甜味不會過於壓過雞肉鮮美，反而增添了層次感。適合與朋友分享，搭配啤酒更是絕配另外都叫咗兩款嘅韓式飲品，有氣菠蘿汁+啤梨果汁，充滿童年時嘅回憶

好耐無嚟韓國街今次同朋友行開尖沙咀突然好想食韓國嘢記得之前食過呢間Oppa Coffee Bar印象唔錯，決定再嚟食吓今次專登揀咗兩款邪惡芝士料理芝士炸雞一上枱就聞到濃郁芝士香炸雞外皮脆卜卜咬落去肉汁爆出蘸埋熱辣辣嘅芝士醬咁嘅組合真係無敵不過要趁熱食，否則芝士好快凝固鐵板芝士五花肉更加驚喜，肥瘦均勻嘅五花肉鋪滿鐵板仲有大量炒到香甜嘅洋蔥做底上面淋上芝士，睇住芝士慢慢融化嘅過程超治癒而且仲可以拉絲拉到好長五花肉煎得香口夾住甜脆嘅洋蔥同拉絲芝士鹹中帶甜嘅層次令人食到停唔到口特別要讚啲洋蔥吸晒肉汁同芝士香完全係意想不到既吸引

韓國餐廳 Oppa Cafe Bar Restaurant 🐥，主打獨家秘方炸雞及其他韓國料理🇰🇷，我地叫左鐵板燒芝士排骨🐄＆原味炸雞🐥，兩樣都非常好食，好足料❤️！🔹️鐵板燒芝士排骨🐄呢碟真係好足料，有好多條大條嘅排骨，店員會幫手，用芝士捲住來，用火槍來燒🧀🔥🔥🔥，排骨調味好正，牛味重好香口，味道濃郁😍，色澤好靚，🔹️原味炸雞🐥炸雞外脆內嫰，炸完都仲好juicy，係一流嘅炸雞😋

好耐冇黎過韓國街食野，上網見到人食呢個熔岩炒飯好吸引好想試，佢Menu其他野食望落都好吸引。✨雞肉蛋漿熔岩炒飯：熱辣辣嘅鐵板炒飯好快送到，侍應哥哥倒完個蛋漿喺飯邊之後，就落咗勁多芝士碎，睇住佢用火槍燒溶d芝士同整熟d蛋脹卜卜，個感覺好過癮。最後就將啲芝士同埋炒飯撈埋一齊，未食已經聞到香噴噴嘅味道🤤先食一啖好好味，味道好豐富濃郁，芝士加咗上去完全唔覺得漏，入邊有雞肉同埋紫菜既香味。✨韭菜海鮮煎餅：一客有8 件大大份，賣相幾靚仔煎得金黃鬆脆。入面有韭菜，魷魚同埋青口仔，食落好香口鹹鮮。✨蟹膏蟹肉紫菜包飯：呢個真係好飽肚足料，入面有青瓜蛋絲紅蘿蔔絲蟹肉蟹膏。頭尾嗰兩件超多蟹膏最開心。呢度嘅嘢食唔錯，份量大～如果下次嚟同埋大班朋友食就更加開心可以試多啲唔同嘅嘢。

📍OPPA Coffee Bar Restaurant 😍尖沙咀高質素韓國菜👍🏻～經過韓國街入咗呢間餐廳😍估唔到嘢食又幾高質喎👍🏻～芝士排骨（中）😍係我食過最正嘅韓國芝士排骨😍排骨本身肉質嫩滑😘調味亦都整得非常香👍🏻服務員會親自幫我哋卷芝士❤️🤭～蜜糖牛油炸雞（半份）😘炸雞即炸熱辣辣😘外皮酥脆❤️肉質嫩滑🤭雖然睇相好似好乾身😂但係食落蜜糖牛油非常入味👍🏻～順帶一提😛餐廳環境靚😍食物質素高🥳店員服務態度好👍下次一定再嚟食😎📍OPPA Coffee Bar Restaurant (尖沙咀)尖沙咀金巴利街1F號地舖

朋友帶我去尖沙咀韓國街金巴利食OPPA Coffee Bar Restaurant，呢間餐廳見到有oopa~雞肉蛋漿熔岩炒飯 炒飯粒粒分明，蛋漿煎到滑溜溜，包住炒飯一齊食有淡淡蛋香同雞肉鮮味。熔岩芝士拉絲又濃郁，每啖都溫柔包圍口腔半份蜜糖牛油炸雞 炸雞外皮酥脆，牛油香混合蜜糖甜味，入口先甜後鹹，雞肉嫩滑唔乾柴。咬落帶焦糖香，完全唔覺膩泡菜魚糕拉麵 濃郁辣湯充滿泡菜酸辣味，魚糕吸飽湯汁彈牙，配拉麵煙韌有咬口。每啖湯都帶泡菜鮮香，辣得開胃

來到尖沙咀金巴利街當然會吃韓國料理，這間餐廳裝修平實，播放著充滿節奏感的歌曲，令悠閒氣氛中添加活力感。韓式牛肉烏冬 湯底好鮮味，烏冬幼滑而帶有嚼勁，配以韓式炒牛肉， 炒得好香口，牛肉鮮嫩多汁，加上洋蔥甘筍等蔬菜， 增添爽脆的質感，口感清新。泡菜魚糕拉麵 拉麵煙韌彈牙， 湯底好特別，滑溜魚糕加上酸辣泡菜、麻香紫菜、生雞蛋和年糕等，風味獨特，多層次口感。原味無骨炸雞食韓國料理，炸雞都是我的喜好。無骨炸雞外酥內嫩，外皮炸到金黃，雞肉嫩滑，伴以香軟薯條，配搭酸甜醬汁，更添鬆化口感，令人回味。總括來說，這三道食品各具特色，具韓式風味和新鮮口感，令人吃得滋味。

同朋友行街經過尖沙咀韓國食街，好耐冇食韓餐，就入去試下啦😋雞肉蛋漿熔岩炒飯先係雞肉飯周圍淋上蛋漿🥚，再倒芝士🧀，用火槍燒溶芝士，陣陣芝士香就飄過嚟～ 炒飯粒粒分明，裹住溶咗嘅芝士仲會拉絲，幾有畫面感嘅😆炒年糕每次去韓國餐廳，炒年糕都係必點，呢間幾正宗，醬汁酸酸甜甜帶少少辣，年糕Q彈，魚餅都幾好味🥰牛肋骨湯本來想食炸雞，點知賣晒冇得試，就換咗牛肋骨湯，湯頭濃郁，牛肉燉到軟淋到離骨，味道比想象中好食😋👍🤩下次要早啲去試試蜜糖牛油炸雞先得😁

呢日約左朋友食飯，佢帶左我黎搵「Oppa」，好耐無黎韓國街，發現好多鋪頭都唔見左，唯獨「Oppa」係最多人。🐔甜辣炸雞（半份）有骨$198半份都大份啊！外皮酥脆，肉質又嫩，甜辣醬更係絕配，加埋醃蘿蔔，完全唔會膩。🦀蟹膏蟹肉紫菜包飯$108紫菜包住蟹肉同蟹膏，鮮味十足，口感亦好好，口感好豐富！🍜Jumbo拉麵 $128。裡面有芝士、魚糕、年糕同泡菜，湯底濃郁，整體味道好出色，好滿足呢！總括黎講，「Oppa」係一個值得一試嘅地方，食物好味又份量足，環境輕鬆，非常適合朋友聚會！下次要約多幾個朋友一齊黎，試下蛋漿熔岩炒飯🔥

去了一間韓式餐廳，整個用餐體驗超級棒！從踏入門的那一剎那起，就感覺到濃濃的韓國風味，讓人像瞬間穿越到了韓國一樣。辣味炸雞 - 炸雞外皮香脆，內裡肉質鮮嫩，而且辣度適中，特別是那獨特的韓式辣醬，味道豐富，吃起來爽辣過癮。每吃一口都會讓人忍不住想再吃一口，實在是太過瘾了！泡菜五花腩 - 五花腩肥瘦相間，煮得恰到好處，肥的部分入口即化，瘦的部分又帶著五花腩特有的嚼勁。而泡菜的酸辣味則完美地中和了五花腩的肥膩，讓人吃起來絲毫不會覺得膩，反而越吃越開胃。韓式炒年糕 - 年糕軟糯，搭配上特製的甜辣醬，味道真的很搭，吃起來感覺非常過癮。尤其炒年糕中還混有韓式辣魚糕和蔬菜，使得整道菜更加豐富多彩。馬鈴薯排骨湯 - 馬鈴薯和排骨的結合，讓湯的口感豐富，排骨軟嫩易嚼，馬鈴薯的香糯和排骨的鮮美交織在一起，湯的味道清淡卻不失鮮香，非常適合在吃完重口味的炸雞和炒年糕後來喝一碗。整體來說，這間韓式餐廳的美食給了我一次非常棒的用餐體驗，如果在附近，我一定會再來的。真的推薦大家去試試看，肯定不會失望的！

很久沒來尖沙咀的韓國街（金巴利街）吃地道韓國美食了！今晚便過來吃，令人置身於韓國一樣！吃到地道又美味的韓國食物！講到韓式美食，我最愛吃就是韓式炸雞！韓式炸雞特別之處是有多款不同的口味，有原味、甜辣味、醬油味、芝士味、蜜糖味等等超多選擇！炸雞還可以揀有骨或是無骨！今次我點選了蒜香味無骨炸雞！蒜香味非常出色，勁惹味！而且炸雞份量很多！啖啖肉的炸雞淋上了蒜香汁醬！令炸雞有點脆脆的又帶少少蒜香美味醬汁，吃起來淋淋的，雞件又嫩滑又美味！啖啖肉大滿足！很喜歡這道特別的醬汁！除了炸雞出色外，仲配上了脆卜卜薯條，薯條口感做得相當好，外皮香脆中間保持了薯仔的質感，仲有蒜香醬汁，極為滋味！炒年糕，這是韓式食品少不了的美食！帶少少微辣的，相當惹味！年糕又彈牙又煙靭，辣辣的相當過癮！除此之外還有魚糕片，魚糕吸入了醬汁，辣得來又美味，煙煙韌韌的！仲有一隻雞蛋！除此之外，還有很多蘿蔔絲、洋蔥絲等等，吸入了滿滿美味的辣汁，令人一啖又一啖的停不了口！韓式飲品，菠蘿梳打！非常特別，菠蘿味清新香甜，這款菠蘿梳打較為少見，但是非常清新及開胃！梨汁，清甜滋潤，入邊還有少少梨肉果粒！正！餐廳的韓式美食款式很多，由於今晚只有兩人

尖沙咀金巴利街出名韓國食店林立，今次想試比較有特色的韓國菜式，所以選擇呢間由來自釜山擔任主廚的韓國餐廳 。店舖裝修帶點工業風，座位闊落舒適。❇️秘製章魚蛋漿熔岩炒飯 $198▶️餐廳招牌特色菜式之一，有多款口味選擇。上枱時侍應先響飯周加入蛋漿及芝士碎，然後用火槍不斷熱熔芝士，直到見到芝士及蛋漿都熔哂，同時會見到飯面有少少焦黃色，再全部撈勻一齊。眼前見住店員成個即製過程感覺都幾新鮮。食的時候，蛋漿已經熔入飯粒當中，加埋拉絲的芝士，香滑得嚟又唔會好油膩，加埋章魚粒彈牙有咬口，口感層次豐富，不錯！❇️泡菜五花腩 $ 198 ▶️五花腩有成10幾塊，全部切成四四方方，又有有一定厚度，肥瘦分明，肉的四邊有微微焦香，咬落去有少少彈牙，連埋泡菜及韓國料理常見的紫蘇葉一切食，有少少薄荷及微辣味，香口得嚟又可以減輕肥膩感，不經不覺就食哂！❇️韓國甜米水 $ 25 ▶️呢度的飲品主要係酒類及罐裝飲品，第一次飲呢款甜米水，有少少似薏米水，甜甜地，飲到罐底會飲到有少少米粒