鳳城1954 (MegaBox)

营业中

休息中

今日同朋友帶孩子去九龍灣玩，諗住是但食啲嘢，見到OpenRice呢一間茶樓嘅食評都唔錯，於是就去試一試。估唔到，真係好好食，充滿驚喜！首先係我哋四個人坐左一張好舒服自成一角嘅卡位，兩個孩子玩成一團，都不會阻到其他人，枱與枱之間有足夠的空間，可以同朋友傾計，都唔會騷擾到其他人或者比其他人騷擾。其實係睇食評見到佢啲點心好可愛，即管嚟試吓。我都知道有時相片同埋事實未必可以一致，但估唔到，佢係真係可以做到，佢個豬仔樣嘅包，真係好似豬仔架，孩子見到都好開心！懷舊腸粉用架車仔上，淨係個賣相已經殺曬，小朋友一路食，一路推架車仔，不知幾高興。而且啲酒樓侍應生好Nice，連傳菜員都好友善，同啲小朋友傾計同埋玩。如果下次再嚟開九龍灣，我一定會再嚟呢一度飲茶。甚至打算試吓佢嘅晚餐。