稻八日式火鍋炸物放題 (已結業)

大埔一向出名多嘢食，去到太和附近附近有間叫做 《稻八日式火鍋炸物放題》，知道荃灣都有一間分店，朋友都讚好，所以特意來試一試。餐牌有六個價錢六款選擇，一個「極上安格斯牛小排套餐」價錢$238已經可以享用刺身同埋火鍋任食任飲。刺身都有十幾款選擇，當中我最愛嘅「三文魚刺身非常」新鮮，條紋非常平均，咬落去爽口彈牙。最特別係餐廳中央位置有個「自助炸物吧」，有十二款串燒放喺炸爐前面，因應自己口味調製生粉厚度，炸完之後更可以自己調味，非常方便。我平時最鍾意食嘅「腸仔」，放入去煮1-2分鐘左右就食得，外皮香脆，好滋味。湯底我哋加左＄48要「美肌膠原湯」，可以滋補養顏，飲一啖湯底果然有好濃郁嘅骨膠原味道，飲落去還有一點黏口。「特級美國穀飼牛」食落去有入口即溶嘅感覺，好快我哋又encore左幾碟，正。「羊肉」都非常新鮮完全唔「騷」。外面擺放蔬菜丸類等等食物，讓客人自助形式拿取，而肉類方面，需要在點餐紙上面寫上數量給侍應下單。特別推介係「蟹棒」，口感好軟滑，而且好入味。甜品更有「雪糕糯米糍」同埋「Dreyer’s王牌雪糕杯」，兩者都有唔同嘅口味，多款選擇。