明記潮館 (砵蘭180+商場)

营业中

休息中

咁啱喺旺角行完朗豪坊，見到有一幢叫做砵蘭180+既商場，一於就去食吓小菜。上邊裝修好肆正，好光猛可以容納好多客人，我哋點完菜之後，阿姐仲話可以加8蚊就可以食到個滷水拼盤。呢個滷水拼盤一啲都唔失禮，非常夠料，亦都滷得非常之入味，最重要係佢側邊個辣椒油，非常惹味。佢哋嘅紅燒火腩豆腐枝竹煲，除咗火腩之外，側邊啲配料亦都非常之好食。另外個咕嚕肉炸得非常之香脆，掛汁都掛得好靚，酸酸甜甜， 份外開胃。最後因為隔籬枱嗰碟通菜啲香氣飄左過嚟，於是我哋又唔執輸咁樣嗌咗一碟，應該係一啲肉鬆煮埋嘅通菜，味道非常之惹味，亦都唔會話非常之油膩，係一間非常之滿意嘅潮式辦館。