影片
更多
2019-05-09
420 浏览
興記菜館。。。其實喺油麻地已經有好多年，每晚都爆場，但我個人覺得，爆場同多人排隊嘅食店，未必一定係好，因為香港嘅風氣係人云亦云，後面嘅人睇到前面咁多人排隊，跟住又排埋一份，已經成為咗香港嘅特色，好喇~講番食物方面先，我早幾晚和朋友行完街，之後大家都覺得肚餓，所以就去咗油麻地揾食，行到去興記睇到有位，我朋友就話不如喺呢間食飯啦，我冇異議，一坐低我和朋友每人揀咗一個飯，一個係章魚雞粒煲仔飯，另一個就係蝦仁炒飯，先講個煲仔飯先，章魚有啲un，唔算好，另外D飯又煲得冇咩飯焦，而且D飯非常淋身，至於D雞粒雖然係好滑，但冇咩雞味，而且個份量真係好少，整體感覺一般，蝦仁炒飯方面同樣份量偏少，只得大概3碗仔飯左右，蝦仁份量還可以，但整碟飯都比較偏淡，飯粒都ok，整體嚟講都係一般，而且店內環境衛生並唔太理想，所以我諗下次都唔會再去喇
张贴
