陳記燒鵝花園餐廳

营业中

休息中

去深井食燒鵝，環境永遠不是重點，呢間陳記都食過一次，今次第二次，不過，佢地鋪再加上半開放式，有少少風又唔太熱，真係幾正。剛剛來到，基本動作緊係洗一洗啲碗碟，果度個位阿叔伙計，一手攞兩個茶壺，一路行一路漏熱水，我唔叫停佢，差點就整親個小朋友，仲要一句對不起都無，放底茶壺就行左去，算乜野態度呢？不過，燒鵝先係評分既主要元素，可惜，燒鵝皮唔脆，肉又少，肥膏多到爆！！！估唔到主菜既質素下降得咁嚴重。反而個蒜蓉粉絲蒸勝瓜同粟米魚肚羹都真係幾好味！ 但係，西檸雞就酸到爆，唔係個個啱口味。結論係，下次可以試下裕記或能記，陳記就停一停，始終陳記衛生都唔及裕記，尤其個廁所，真係好恐怖。