尚上下夏 - 養生雞煲火鍋 (已結業)

好耐無食雞煲，於是上open rice見呢間幾多好評，一於試下。Menu都幾多選擇，叫左鴛鴦煲，一邊係雞半隻唔辣，一邊係雞髀雞胸中辣。上雞煲啦，超級香噴噴，聞到已經流口水🤤，難得嘅係，兩邊都好好味，好夠味。唔辣嗰邊，可以舒服咁享受雞煲嘅美味，辣嗰邊比較刺激，侍應話，呢到既雞煲比其他舖頭辣，唔好貪心，事實證明佢無講錯。食完就開始加湯打邊爐，一邊係瑤柱群翅雞湯，可能雞煲味道比較濃，打邊爐就會覺得湯底淡味d，咁都好，冇咁膩，令一邊就係惹味番茄湯，不過不失，都係雞煲正d，不過打邊爐d料都好新鮮，牛柳粒，鵝腸，帶子皇，全部都食完一粒又一粒，有個比較特別嘅，係蝦膠釀鮮冬菇，好大粒，材料好好，食一粒已經好飽。最後呢間鋪頭仲有一樣值得讚，佢哋係有請聽障及智障人士，又好食又有愛心，一定再幫襯。