影片
更多
2021-12-10
28 浏览
自己一直都勁鍾意食日本過江龍嘅拉麵，但係邊間特別出色，我又真係未必講得到；今次就嚟試一試呢間，主要係試佢嘅「貝汁」底拉麵。其實講到「貝汁」，主要都係帶出呢到拉麵嘅湯底係充滿着鮮味。我食落去嘅時候，都覺得幾鮮味，係由海鮮夾雜着豬骨而散出嚟嘅鮮味。我叫咗佢喺呢度嘅招牌：貝汁醬油拉麵。在點菜前，店員特登提醒我，鹽味拉麵同埋醬油拉麵嘅分別，就係在於一個味道較濃烈，一個味道較清淡，而可想而知，鹽味拉麵，就係味道較清淡嘅一個，但係我自己本身喜愛濃烈嘅味道，所以我就叫咗醬油拉麵。拉麵嘅質感非常實在，硬身，配合埋洋蔥、牛肝菌粉，黑松露醬，以及各款配料，再加埋燒得軟淋淋嘅叉燒，裏面充滿着相當比例嘅肥膏；再加埋一層滾油淋上去嘅拉麵湯，幾樣嘢加埋一齊嚟食，係幾鮮味。餐廳環境非常優美，有啲似中古時代嘅日本🇯🇵。飲品方面，我特別喜愛紫蘇雙檸洛神花茶。呢一杯洛神花茶，味道絕對唔會特別甜，當中嘅甜味同埋香味都係來自真正嘅洛神花，另外再加埋屏風，檸檬嘅少少酸，特別調出咗洛神花嘅甜味，非常不錯。餃子亦都係我嘅至愛，煎得好香熟嘅餃子，再配埋一個酸酸甜甜嘅醬汁，係食完碗拉麵之後嘅特別享受。呢款唐揚博多華味鳥，圓轆轆，新鮮炸
其實講到「貝汁」，主要都係帶出呢到拉麵嘅湯底係充滿着鮮味。我食落去嘅時候，都覺得幾鮮味，係由海鮮夾雜着豬骨而散出嚟嘅鮮味。
我叫咗佢喺呢度嘅招牌：貝汁醬油拉麵。在點菜前，店員特登提醒我，鹽味拉麵同埋醬油拉麵嘅分別，就係在於一個味道較濃烈，一個味道較清淡，而可想而知，鹽味拉麵，就係味道較清淡嘅一個，但係我自己本身喜愛濃烈嘅味道，所以我就叫咗醬油拉麵。
拉麵嘅質感非常實在，硬身，配合埋洋蔥、牛肝菌粉，黑松露醬，以及各款配料，再加埋燒得軟淋淋嘅叉燒，裏面充滿着相當比例嘅肥膏；
再加埋一層滾油淋上去嘅拉麵湯，幾樣嘢加埋一齊嚟食，係幾鮮味。
餐廳環境非常優美，有啲似中古時代嘅日本🇯🇵。
飲品方面，我特別喜愛紫蘇雙檸洛神花茶。
呢一杯洛神花茶，味道絕對唔會特別甜，當中嘅甜味同埋香味都係來自真正嘅洛神花，另外再加埋屏風，檸檬嘅少少酸，特別調出咗洛神花嘅甜味，非常不錯。
餃子亦都係我嘅至愛，煎得好香熟嘅餃子，再配埋一個酸酸甜甜嘅醬汁，係食完碗拉麵之後嘅特別享受。
呢款唐揚博多華味鳥，圓轆轆，新鮮炸起大大嚿嘅炸雞球，再配埋蜜糖芥茉漿，係幾多汁同幾好食。
张贴
